අනුරාධපුර දිස්ත්රික්කයේ රඹෑව ප්රාදේශීය සභාවේ පොහොට්ටු පක්ෂයේ සභාපතිට අයත් බලපත්ර රහිත ගව ඝාතකාගාරයක ගවයින් 26 දෙනෙකු මස් කරමින් සිටි පුද්ගලයින් පිරිසක් ඊයේ(26) පොලිස් විශේෂ කාර්ය බලකායේ නිලධාරීන් විසින් අත්අඩංගුවට ගෙන ඇත.
රඹෑව ප්රාදේශීය සභාවේ බලය හොබවන ශ්රී ලංකා පොදුජන පෙරමුණේ සභාපතිවරයාගේ සහ උප සභාපතිවරයාගේ අනු දැනුම මත කලක පටන් මෙම ගව ඝාතකාගාරය බලපත්ර ද රහිතව පවත්වාගෙන ගොස් තිබිණි.
අත්අඩංගුවට ගත් පුද්ගලයින් අද දින අධිකරණයට ඉදිරිපත් කර ඇති අතර ඔවුන් ලබන 3 වැනිදා දක්වා රක්ෂිත බන්ධනාගාර ගත කරන ලෙසත් එදිනට සැකකාර ප්රාදේශීය සභා සභාපතිවරයා සහ එහි ලේකම්වරයා අධිකරණය හමුවේ පෙනීසිට කරුණු දැක්විය යුතු බවටත් නියෝග ලැබී තිබේ.
