තමන් අපරාධ පරීක්ෂණ දෙපාර්තමේන්තුවේ ජ්යෙෂ්ඨ නිලධාරියෙකු ලෙස පෙනී සිටිමින්, තවත් හවුල්කරුවන් දෙදෙනෙකු සමඟ එක්ව තරුණයන් 25 දෙනෙකුට අධික සංඛ්යාවකගේ මුදල් සහ වටිනා දෑ කොල්ලකෑම්වල නිතරවූ හිටපු පොලිස් නිලධාරියෙකු අතුරුගිරිය පොලිසිය විසින් ඊයේ (05) අත්අඩංගුවට ගෙන තිබේ.
මෙම මංකොල්ලකෑම් සඳහා යොදාගත් මෝටර් රථයද පොලිස් භාරයට ගෙන ඇත.
පරීක්ෂණවලින් හෙළි වී ඇත්තේ ප්රධාන සැකකරු සහ තවත් හවුල්කරුවෙකු, තරුණයන් මග නවතා ඔවුන්ව සැකය මත පරීක්ෂා කරන මුවාවෙන් මෙම කොල්ලකෑම් සිදුකර ඇති බවය.
මොවුන් රටේ විවිධ ප්රදේශවලට ගමන් කරමින් මෙම අපරාධ සිදුකර ඇති බවට තොරතුරු අනාවරණය වී ඇත.
අතුරුගිරිය ප්රදේශයේ තරුණයෙකුගේ රුපියල් දෙලක්ෂ දසදහසක් (රු. 210,000) වටිනා රන් මාලයක් කොල්ලකෑම සම්බන්ධයෙන් ලද පැමිණිල්ලකට අනුව සිදුකළ විමර්ශනවලදී මෙම සැකකරුවන් කොටුකර ගැනීමට හැකිවී තිබේ. ඒ සඳහා ප්රදේශයේ CCTV දර්ශන පරීක්ෂා කිරීම මගින් සැකකරුවන් හඳුනාගෙන ඇත.
ප්රශ්න කිරීම් හමුවේ සැකකරුවන් තවත් ප්රදේශ ගණනාවකදීම මෙවැනිම මංකොල්ලකෑම් සිදුකළ බවට පිළිගෙන තිබේ. ප්රධාන සැකකරු ගම්පහ පොලිසියට අනුයුක්තව සිටි 34 හැවිරිදි හිටපු පොලිස් කොස්තාපල්වරයෙකු බවත්, අනෙක් සැකකරු අපරාධ සඳහා යොදාගත් වාහනයේ හිමිකරු වන ඔබේසේකරපුර ප්රදේශයේ 37 හැවිරිදි වෙළඳ විධායකවරයෙකු බවත් අනෙක් සැකකරු ප්රදේශයේ රියදුරෙකු ලෙස සේවය කරන අයෙකු බවත් වැඩිදුර පරීක්ෂණවලදී හෙළිදරව් වී ඇත.
සැකකරුවන් හෝමාගම මහේස්ත්රාත් අධිකරණයට ඉදිරිපත් කර වැඩිදුර ප්රශ්න කිරීම් සඳහා රඳවා තබාගැනීමට නියමිත බව පොලිසිය ප්රකාශ කරයි.
