තම සැමියා සහ පුත්රයා මත්ද්රව්ය චෝදනාවට ලක්වූ සිදුවීමට අදාල පෑලියගොඩ නගර සභාවේ ජාතික ජන බලවේගයේ මන්ත්රී දිස්නා නිරන්ජලා කුමාරි ඉල්ලා අස්වී තිබේ.
අත්අඩංගුවට ගත් පුද්ගලයින් දෙදෙනා සම්බන්දයෙන් මේ වනවිට ඊට අදාළ නීතිමය කටයුතු සිදුවෙමින් පවතී.
සිදුවීමට අදාල දිස්නා නිරන්ජලා කුමාරි පෑලියගොඩ නගර සභාවේ ජාතික ජන බලවේගයේ මන්ත්රීවරියක ලෙස පසුගිය පළාත් පාලන මැතිවරණයේ දී තේරී පත්වන ලදී.
ඇය සිය ධුරයෙන් ඉල්ලා අස්වෙමින් සඳහන් කරන්නේ, ජාතික ජන බලවේග ආණ්ඩුව රටෙහි මත්ද්රව්ය උවදුර මැඩ පැවැත්වීම සඳහා අවධානය යොමු කර ඇති මෙවැනි මොහොතක ඇතිවූ මේ සිදුවීම සමිබන්ධව තමන් පුද්ගලිකව දැඩි කම්පනයකට ලක් වී සිටින බවත් නීතිමය කටයුතු සඳහා සහය දීමක් ලෙසද රටෙහි යහපත් දේශපාලන සංස්කෘතියක් ඇති කිරීමට මාලිමාව ගෙන යන වැඩපිලිවෙලට සහයක් ලෙසත් සලකා සිය මන්ත්රී ධුරයෙන් ඉල්ලා අස් වන බවය.
ඒ අනුව ඇය විසින් සිය ඉල්ලා අස්වීමේ ලිපිය ගම්පහ දිස්ත්රික් තේරීම් භාර නිලධාරී වෙත මේ වනවිටත් යොමුකිරීමට කටයුතු කර ඇති අතර එහි පිටපතක් ජාතික ජන බලවේගයේ ප්රධාන ලේකම් වෙත යොමු කර තිබේ.
