අද (24) දිනයේ මේ වනවිට කොවිඩ් – 19 ආසාදිතයින් 1,941 දෙනෙකු මෙරටින් වාර්තාවී ඇති බව රජයේ ප්රවෘත්ති දෙපාර්තමේන්තුව නිකුත් කළ නිවේදනය අනුව තහවුරු වේ.
එම ආසාදිතයින් වාර්තා වන්නේ අලුත් අවුරුදු කොවිඩ් පොකුරෙන් 1,917ක් ලෙසත් විදේශයන්හි සිට පැමිණ නිරෝධායනයට ලක් වෙමින් සිටින අයගෙන් 45ක් ලෙසත් බවද රජයේ ප්රවෘත්ති දෙපාර්තමේන්තුව සඳහන් කරයි.
මේ වනවිට ආසාදිතයින් 32,456 දෙනෙකු රෝහල්වල ප්රතිකාර ලබන අතර මේ වනවිට මෙරටින් හමුවී ඇති සමස්ත ආසාදිතයින් ගණන 248,050කි.
ඒ අනුව මෙරටින් නිල ලෙස නිවේදනය කර ඇති මියගිය කොවිඩ් ආසාදිත පුද්ගලයින්ගේ ගණන 2,814 දක්වා ඉහළ ගොස් ඇත.
ශ්රී ලංකාව මේ වනවිට ලෝකයේ වැඩිම ආසාදිතයින් වාර්තාවන රටවල් අතර 75 වන ස්ථානයේ පසුවේ. එමෙන්ම ලංකාව දෛනික ආසාදිතයින් වාර්තා වන රටවල් අතර 16 වන ස්ථානයේ පසුවේ. එමෙන්ම වැඩිම දෛනික මරණ වාර්තාවන රටවල් අතර ශ්රී ලංකාව පසුවන්නේ 14වන ස්ථානයේය.
