தங்கொட்டுவ பகுதியில் நச்சு இரசாயன பதார்த்தம் அடங்கியுள்ளதாக சந்தேகிக்கப்படும் 27,500 லீற்றர் தேங்காய் எண்ணெய் கொண்ட இரு பவுசர்களை பொலிஸார் பறிமுதல் செய்துள்ளனர். 

சந்தேக நபர்கள் 25 ஆம் திகதி ராமமையில் உள்ள ஒரு கிடங்கிலிருந்து இந்த தேங்காய் எண்ணெயை இரு பவுசர்களினூடாக கொண்டு வந்திருந்ததுடன், தங்கொட்டுவ பகுதியில் அமைந்துள்ள ஆலையில் வைத்து குறித்த எண்ணெய் பவுசர்கள் பறிமுதல் செய்யப்பட்டுள்ளது.

“இறக்குமதி செய்யப்பட்டுள்ள தரமற்ற எண்ணெய் முழுவதும் பகிரங்கமாக அழிக்கப்பட வேண்டும். அதற்கான நடவடிக்கை எடுக்கப்பட்டால் மாத்திரமே மக்களுக்கு அச்சமின்றி சிங்கள – தமிழ் புத்தாண்டை கொண்டாட முடியும்.” என்று  அகில இலங்கை தேங்காய் எண்ணெய் உற்பத்தியாள்கள் சங்கம் வலியுறுத்தியுள்ளது. 

இவ்வாறான எண்ணெய்யை மீள் ஏற்றுமதி செய்வதானது ஏதேனுமொரு நாட்டுக்கு பாதகத்தை ஏற்படுத்தும் செயற்பாடாக அமையும் என்று சங்கத்தின் ஒருங்கிணைப்பாளர் புத்திக டி சில்வா சுட்டிக்காட்டினார்.

இந்நிலையில் தேங்காய் எண்ணெய் இறக்குமதி செய்யும் 4 பிரதான நிறுவனங்களில் ஒரு நிறுவனத்தினால் இறக்குமதி செய்யப்பட்ட எண்ணெய் தரமற்றது என்று இலங்கை தரநிர்ணய நிறுவனத்தின் (எஸ்.எல்.எஸ்.ஐ.) பரிசோதனையின் மூலம் உறுதிப்படுத்தப்பட்டுள்ளது. 

குறித்த நிறுவனத்தினால் இறக்குமதி செய்யப்பட்ட எண்ணெய் மாதிரிகள் இரண்டாவது முறையாகவும் சோதனைக்குட்படுத்தப்பட்டபோது அது தரமற்றது என்று உறுதிப்படுத்தப்பட்டுள்ளது.

தற்போதைய இலங்கையின் அரசியல் சூழலில் ஆளும் கட்சியை எதிர்க்கட்சியும், எதிர்க்கட்சியை ஆளும் கட்சியும்   மாறி மாறி குறை சொல்லும் நிலைமை அதிகரித்துள்ளதைக் காணக்கூடியதாகவுள்ளது.

27.03.2021 மாத்தறை மாவட்டத்தின் பிடபெத்தர பிரதேச செயலாளர் பிரிவில் உள்ள கிரிவெல்கெலே கிராம சேவகர் பிரிவின் தேரெங்கல மகாவித்தியாலய வளாகத்தில் இடம்பெற்ற “கிராமத்துடன் உரையாடல்” 16வது நிகழ்ச்சித்திட்டத்தில் ஜனாதிபதி கோட்டாபய ராஜபக்ச  உரையாற்றுகையில்,

” கடந்த அரசாங்கத்தில் பொருளாதாரம் வீழ்ச்சியடையவும் கொள்கை ரீதியாக பாரிய வீழ்ச்சிகளும் ஏற்பட்டன.  தேசிய பாதுகாப்பு முழுமையாக வீழ்ச்சியடைந்தது. 

கடந்த காலத்தில் MCC உடன்படிக்கை பற்றி அடிக்கடி பேசப்பட்டது. கடந்த அரசாங்கம் அமெரிக்காவுடன் அந்த உடன்படிக்கையில் கைச்சாத்திட்டு அலுவலகம் ஒன்றையும் திறந்திருந்தது.  

கடந்த காலத்தில் MCC உடன்படிக்கை பற்றி அடிக்கடி பேசப்பட்டது. கடந்த அரசாங்கம் அமெரிக்காவுடன் அந்த உடன்படிக்கையில் கைச்சாத்திட்டு அலுவலகம் ஒன்றையும் திறந்திருந்தது.

அடுத்து. கிழக்கு முனையம் அதுவும் நாம் செய்த ஒன்றல்ல. இந்தியாவுடன் கைச்சாத்திடப்பட்ட ஒரு ஒப்பந்தமாகும். 

கடந்த அரசாங்கத்தின் தவறுகளை நாம் இப்போது சரி செய்து வருகிறோம்.  நான் முகங்கொடுக்க வேண்டி ஏற்பட்டுள்ள எந்தவொரு பிரச்சினையும் எமது காலத்தில் ஏற்பட்ட பிரச்சினையல்ல.” என்று கடந்தகால அரசாங்கத்தை குற்றம் சாட்டினார்.

அதேவேளை, தற்போதைய அரசாங்கம் மற்றும்  அரசாங்கத்தின் திட்டங்கள் தோல்வியடைந்துள்ளதாக எதிர்க்கட்சித் தலைவர் சஜித் பிரேமதாச தெரிவித்துள்ளார். திஸ்ஸமஹராமையில் இடம்பெற்ற நிகழ்வொன்றின்போது ஊடகங்களுக்கு கருத்துரைக்கையிலே அவர் இவ்வாறு தெரிவித்துள்ளார்.

நல்லாட்சியின் பொது பினைமுறி ஊழல் மேற்கொள்ளப்பட்டதும், கோட்டாபய அரசாங்கத்தில் சீனி மோசடி மேற்கொள்ளப்பட்டது.

கடந்த அரசாங்கம் திருடர்களை கைது செய்வதாகக் கூறி ஆட்சிக்கு வந்தார்கள். இந்த அரசாங்கமும் அவ்வாறு கூறியே ஆட்சிக்கு வந்தது. ஆனால் இரு அரசாங்கமும் திருடர்களை பாதுகாக்கின்றது என்ற குற்றச்சாட்டை அரசியல் விமர்சகர்கள் முன்வைக்கின்றனர்.

யாழ்ப்பாண கல்வி வலயத்திற்குட்பட்ட அனைத்து பாடசாலைகளும் எதிர்வரும் ஒரு வார காலத்துக்கு மூடப்படுவதாக மாவட்டச் செயலாளர் கணபதிப்பிள்ளை மகேசன் தெரிவித்துள்ளார்.

இதற்கமைவாக, இன்று தொடக்கம் எதிர்வரும் 5 ஆம் திகதி வரை யாழ்ப்பாணம் கல்வி வலயத்திற்குட்பட்ட பாடசாலைகள் மூடப்படும்.
ஏனைய கல்வி வலயங்களிலுள்ள பாடசாலைகளின் கல்விச் செயற்பாடுகள் அனைத்தும் வழமை போல் இடம்பெறும் என்றும் அவர் கூறினார்.

யாழ்ப்பாணத்தில் சடுதியாக அதிகரித்துச் செல்லும் கொவிட் வைரஸ் தொற்றை கருத்தில் கொண்டு இந்த நடவடிக்கை மேற்கொள்ளப்பட்டுள்ளமை குறிப்பிடத்தக்கது.

தென்கிழக்கு வங்காள விரிகுடாவில் (02N – 11N> 83E – 93E) கீழ் வளிமண்டலத்தில் ஏற்பட்ட தளம்பல் நிலை காரணமாக மேற்குறிப்பிட்ட கடற்பரப்புகளில் பலத்த மழை அல்லது இடியுடன் கூடிய மழை, திடீரென்று கடல் கொந்தளித்தல், காற்றின் வேகமானது அவ்வப்போது மணித்தியாலத்திற்கு 55-65 கிலோமீற்றர் வரை அதிகரித்தல் போன்றவற்றிற்கான சாத்தியம் உயர்வாகக் காணப்படுவதாக வளிமண்டலவியல் திணைக்களம் இன்று காலை வெளியிட்டுள்ள வானிலை அறிக்கையில் குறிப்பிடப்பட்டுள்ளது.

அரேபிய கடற்பரப்புகளில் (00 – 08N> 64E – 78E) கீழ் வளிமண்டலத்தில் ஏற்பட்ட தளம்பல் நிலை காரணமாக மேற்குறிப்பிட்ட கடற்பரப்புகளில் பலத்த மழை அல்லது இடியுடன் கூடிய மழை, திடீரென்று கடல் கொந்தளித்தல், காற்றின் வேகமானது அவ்வப்போது மணித்தியாலத்திற்கு 60-70 கிலோமீற்றர் வரை அதிகரித்தல் போன்றவற்றிற்கான சாத்தியம் உயர்வாகக் காணப்படுகின்றது.

கடலில் பயணம் செய்வோரும் மீனவ சமூகமும் (குறிப்பாக ஆழ்கடல் மீன்பிடிக் கலங்கள்) இவ்விடயம் தொடர்பாக அவதானமாக இருக்குமாறு வேண்டிக் கொள்ளப்படுகிறீர்கள் என்றும் குறிப்பிடப்பட்டுள்ளது.

மாகாண சபை தேர்தலை நடத்துவது தொடர்பான இறுதி முடிவு இன்று(திங்கட்கிழமை) நடைபெறும் அமைச்சரவைக் கூட்டத்தில் எடுக்கப்படவுள்ளது.

அமைச்சர் ஜனக பண்டார தென்னக்கோன் கடந்த வாரம் மாகாண சபை தேர்தலை நடத்துவது தொடர்பாக, அமைச்சரவையில் முன்வைத்த இர ண்டு மாற்று யோசனைகள் குறித்து கடந்த வாரத்தில் மதிப்பாய்வு செய் யப்பட்டுள்ளதாக அமைச்சர் உதயகம்பன்பில தெரிவித்துள்ளார்.

நாடாளுமன்றத்தில் நிறைவேற்றப்பட்ட புதிய சட்டத்தை இரத்து செய்து பழைய முறையின் கீழ் தேர்தல்களை நடத்துவதற்கும், புதிய சட்டத்தில் திருத்தம் செய்வதற்கும், மாகாண சபை தேர்தல்களை கலப்பு முறையின் கீழ் நடத்துவது தொடர்பான யோசனைகளே இவ்வாறு முன்வைக்கப்பட்டிருந்தன.

அதிகாரத்திற்கு வந்த பின்னர் கோட்டாபய ராஜபக்ஷ சனாதிபதியால் உடனடியாக அரசியல் பழிவாங்கல் பற்றி புலனாய்வு செய்வதற்காக  நியமிக்கப்பட்ட ஆணைக்குழு மோசடிப் பேர்வழிகளுக்கு, ஊழல்பேர்வழிகளுக்கு எதிராக தற்போது  தாக்கல் செய்யப்பட்டுள்ள, நீதிமன்றங்களில் விசாரிக்கப்பட்டு வருகின்ற   79 வழக்குகளை  வாபஸ்பெற்றுக்கொள்ள விதப்புரை செய்தமை ஊடாக   மேற்படி ஆணைக்குழு  நீதிமன்றங்கள் கொண்டுள்ள  தத்துவங்களை முறைதகாதவகையில் பாவிப்பதற்கு எதிராகவும், அதைப்போலவே மோசடிப் பேர்வழிகளுக்கு ஊழல்பேர்வழிகளுக்கு எதிராக செயற்பட்ட  மவிமு தலைவருக்கு எதிராக முன்வைக்கப்பட்டுள்ள விதப்புரைகள் அனைத்தையும் இடைநிறுத்தவும்  அந்த குற்றச்சாட்டுகளிலிருந்து   விடுவிக்குமாறும் நேற்று  (24) மேன்முறையீட்டு நீதிமன்றத்தில்    ஒரு வழக்கு தாக்கல் செய்யப்பட்டது.

இத்தருணத்திற்கு மக்கள் விடுதலை முன்னணியின் தலைவர் அநுர திசாநாயக்க, சட்டத்தரணி சுனில் வட்டகல, சட்டத்தரணி உபுல் குமரப்பெரும, சட்டத்தரணி ஹர்ஷன நாணாயக்கார ஆகியோர் பங்களிப்புச் செய்தனர்.