බස්නාහිර, සබරගමුව, දකුණු, මධ්යම, වයඹ සහ ඌව පළාත්වලත් අම්පාර සහ මඩකලපුව දිස්ත්රික්කවලත් අද (14) සවස් කාලයේ දී හෝ රාත්රී කාලයේදී තැනින් තැන වැසි හෝ ගිගිරුම් සහිත වැසි ඇති විය හැකි බවත් වැසි සමග ප්රබල අකුණු ඇතිවීමේ වැඩි හැකියාවක් පවතින බවත් කාලගුණ විද්යා දෙපාර්තමේන්තුව සඳහන් කරයි.
එමෙන්ම, නැගෙනහිර පළාතේ උදෑසන කාලයේදීත්, දිවයිනේ සෙසු ප්රදේශවල සිහින් වැසි වාර කිහිපයක් ඇතිවිය හැකි බවත් එම දෙපාර්තමේන්තුව සඳහන් කර සිටී.
ගිගුරුම් සහිත වැසි ඇති වනවිට එම ප්රදේශවල තාවකාලිකව තද සුළං තත්වයක්ද ඇති විය හැකි බව කාලගුණ විද්යා දෙපාර්තමේන්තුව සඳහන් කරයි.
අකුණු මගින් සිදුවන අනතුරු අවම කරගැනීමට අවශ්ය පියවර ගන්නා ලෙසත් කාලගුණවිද්යා දෙපාර්තමේන්තුව ජනතාවගෙන් ඉල්ලා සිටී.
දෘශ්ය ලෙස සූර්යයා උතුරට ගමන් කිරීමේ දී සූර්යයා, අප්රේල් මස 05 සිට 15 දක්වා දිනවලදී ශ්රී ලංකාව ආශ්රිත අක්ෂාංශවලට සෘජුවම ඉහළින් පවතින බවත් අද දින දහවල් 12:10ට නයිනතිව්, පුන්කුඩුතිව්, මණ්ඩයිතිව්, මනල්කාඩු සහ උඩුතුරෙයියන ප්රදේශවලට හිරු මුදුන් වූ බවත් කාලගුණවිද්යා දෙපාර්තමේන්තුව සඳහන් කරයි.
