අද (01) සවස 02ට පැනවූ ඇඳිරිනීතිය සඳුදා වනතුරු බලපැවැත්වේ…

අද (01) සවස 02ට පැනවූ ඇඳිරිනීතිය සඳුදා වනතුරු බලපැවැත්වේ…

කොළඹ, යාපනය ඇතුළු දිස්ත්‍රික්ක 6ක් හැර සෙසු දිස්ත්‍රික්කවලට අද (01) පස්වරු 02.00ට පැනවූ ඇඳිරි නීතිය ලබන සඳුදා තෙක් බලාත්මක කර තිබේ.

කොරෝනා වෛරස ව්‍යාප්තිය සලකන විට ඉහළ අවදානමක් සහිත කලාප ලෙස හඳුනාගෙන ඇති කොළඹ, ගම්පහ, කළුතර, පුත්තලම, මහනුවර සහ යාපනය දිස්ත්‍රික්කවල දැන් ක්‍රියාත්මක ඇඳිරි නීතිය නැවත දන්වනතුරු දිගටම බලාත්මකව පවතී.

සෙසු සියළු දිස්ත්‍රික්කවල ක්‍රියාත්මක වූ ඇඳිරි නීතිය අද උදේ 6.00ට ලිහිල් කෙරුණු අතර, අද දහවල් 2.00ට යළි පනවනු ලැබිණි.

මේ දිස්ත්‍රික්කවල යළි පැනවූ ඇඳිරි නීතිය අප්‍රේල් 06, සඳුදා උදේ 6.00 දක්වා ක්‍රියාත්මකව පවතී.

මේ දිස්ත්‍රික්කවල ඇඳිරි නීතිය එදිනම, එනම් අප්‍රේල් 06 සඳුදා දහවල් 2.00 සිට යළි ක්‍රියාත්මක කෙරේ.

Facebook
Twitter
LinkedIn