ජේ.ආර්. ජයවර්ධන ජනාධිපති යටතේ දැඩි ඒකාධිපති පාලනයක් ගොඩනැගෙමින් තිබූ පසුබිමක 1983 කළු ජූලිය නිර්මාණය කර, අහිංසක දෙමළ පුරවැසියන් දහස් ගණනක් මරා දමා දේපොළ කොල්ලකා ගිනිබත් කර, වසර 43ක් සම්පූර්ණ වී තිබේ.
ආණ්ඩුවේ අනුග්රහය ලද සංවිධානාත්මක මැර පිරිස් සහ ඝාතක කණ්ඩායම් ඡන්ද හිමි නාම ලේඛන අනුව ගොස් දෙමළ ජනතාවට එරෙහිව මර්දනය දියත් කරනු ලැබීය. එම මර්දනයේදී විශේෂයෙන්ම මෙරට සිනමා ක්ෂේත්රයට සුවිශේෂී කඩඉම් සටහන් කර දුන් සිනමා ශාලා මෙන්ම චිත්රාගාරද ගිනි තබා විනාශ කළහ. එමෙන්ම චිත්රපට ගණනාවක් ගිනි තබනු ලැබීය.
ඊට අමතරව කේ. වෙන්කට් නම් චිත්රපට අධ්යක්ෂවරයා පණ පිටින් පුළුස්සා මරා දැමිණි. සිරි පතුල නම් සිනමා කෘතිය අධ්යක්ෂණය කළේද කේ. වෙන්කට් විසිනි. මොහිදීන් බෙග් ගායනා කරන “සකල සතම බොදු බැතියෙන්” සහ “මිනිසාමයි ලොව දෙවියන් වන්නේ – මිනිසාමයි ලොව තිරිසන් වන්නේ” යන ගීතය එම චිත්රපටයට ඇතුළත් වේ. කරුණාරත්න අබේසේකරයන් ලියූ මෙම චිත්රපට ගීත සංගීතවත් කරන ලද්දේ, එම්.කේ රොක්සාමි විසිනි.
කේ. වෙන්කට් නම් සිනමාකරුවා ඝාතනය කර, වසර 43කට පසුව අනුස්මරණය කිරීමේ උළෙලක් පසුගිය 22 වැනි දින ජාතික තරුණ සේවා සභාවේදී පවත්වනු ලැබීය. එම උළෙලේ විශේෂ ආරාධිතයන් ලෙස කේ. වෙන්කට්ගේ පවුලේ මෙරට රැඳී සිටින සමීපතමයින් සහ හිතමිතුරන් සහ එක්ව සිටියහ. රජේන්ද්ර කුමාර්, එස්. නීලම්බල්, රාමසාමි බාබු හෙඞ්ඩියාර්, ජී. කේසවන් හෙඞ්ඩියාර්, චන්ද්රකලා, මහේෂ්වරී, ජී. චන්ද්රසේගරම්, බී. ශී්ර වෙන්ගදේශ, සීතාරාම් සහ රාමජයම් යන පිරිස එක්ව සිටියහ.
වසර 43කට පසුව තම ඥාතියා සැමරීමට අවස්ථාව ලැබීම පිළිබඳව කඳුළු පිරි දෙනෙතින් උපහාර පුදනු ලැබීය. “Sanday Sill – Manday kill” නම් වාර්තා චිත්රපටයක් නිතිඥ සුපුන් විශ්ව බුද්ධි විසින් අධ්යක්ෂණය කර තිබූ අතර, එය ප්රදර්ශනය කිරීමට එම උළෙලේදී සිදු කෙරිණි. නැවත කිසි දිනෙක ශී්ර ලංකාවේ ජාතිවාදී හෝ ආගම්වාදී බේදකිරීම්වලට ඉඩ නොතැබිය යුතු බව විශේෂයෙන්ම අවධාරණය කරනු ලැබීය.
ශී්ර ලාංකේය සිනමාවේ කේ. වෙන්කට් අධ්යාත්මය යන තේමාවෙන් ප්රවීණ රංගන ශිල්පිනී සුවිනීතා වීරසිංහ, ප්රවීණ සංනිවේදක දිලීප අබේසේකර සහ මොරටුව විශ්වවිද්යාලයේ ජ්යෙෂ්ඨ කථිකාචාර්ය ආචාර්ය සිතුමිණ රත්නමලල අදහස් දැක්වූහ. ශී්ර පතුල චිත්රපටයේ ප්රධාන භූමිකාව නිරූපණය කළ සුවිනීතා වීරසිංහ ජ්යෙෂ්ඨ රංගල ශිල්පිනිය මෙම අවස්ථාවට සහභාගීවී කේ. වෙන්කට් පිළිබඳව මතකය ආවර්ජනය කිරීම බොහෝ දෙනෙකුගේ අවධානයට ලක්විය.
