පස් කන්දකට යට වූ තිදරු මවක් ජීවිතක්ෂයට

පස් කන්දකට යට වූ තිදරු මවක් ජීවිතක්ෂයට

මධ්‍යම කඳුකරයේ බටහිර බෑවුම් ප්‍රදේශවලට ඇද හැලෙන අධික වර්ෂාවත් සමග දිඹුල පතන පොලිස් වසමට අයත් මවුන්ට්වර්නන් වතුයායේ ඉහළ කොටසේ වතු නිවසක මුළුතැන් ගෙට පස් කන්දක් කඩා වැටීමෙන් එහි සිටි තිදරු මවක ජිවිතක්ෂයට පත් වී ඇතැයි දිඹුල පතන පොලිසිය පවසයි.

ඇය කොටගල, දිඹුල පතන මවුන්ට්වර්නන් වතුයායේ පදිංචි 49 හැවිරිදි වියේ පසු වූ තැනැත්තියකි.

පස්කන්ද කඩා වැටී ඇත්තේ මිය ගිය කාන්තාව උදෑසන ආහාර පිළියෙළ කිරීමට නිවසේ පිටුපස තාවකාලිකව ඉදිකර තිබුණු මුළුතැන් ගෙට අද (03) අලුයම පැමිණි අවස්ථාවේදීය.

එම වතුයායේ වතු කම්කරුවන් දැඩි පරිශ්‍රමයක් දරා පස් කන්දට යට වී සිටි කාන්තාව ගොඩගෙන කොටගල ප්‍රාදේශීය රෝහල වෙත ඇතුළත් කළ බවත් ඒ වනවිටත් ඇය මියගොස් සිටි බව පොලිසිය පවසයි.

Facebook
Twitter
LinkedIn