කොටිකාවත්ත මුල්ලේරියාව ප්රාදේශීය සභාවේ හිටපු උප සභාපතිවරයෙකු 2022.08.02 වන දින වෙඩි තබා ඝාතනය කිරීමේ සිද්ධිය සම්බන්ධයෙන් සැකකරුවෙකු ඊයේ (25) අත්අඩංගුවට ගත් බව බස්නාහිර පළාත දකුණ දිසා අපරාධ කොට්ඨාසය පවසයි.
මුල්ලේරියාව පොලිස් වසමේ මුල්ලේරියාව රෝහල ආසන්නයේදී සිදු කර තිබූ මෙම ඝාතනය සඳහා සැකකරුවන් පැමිණි යතුරුපැදියේ පැදිකරු ලෙස ක්රියා කළ සැකකරුව මෙලෙස විමර්ශන නිලධාරීන්ට ලද තොරතුරකට අනුව මාලඹේ පොලිස් වසමේ තලාහේන ප්රදේශයේදී අත්අඩංගුවට ගෙන ඇත.
සැකකරු අත්අඩංගුවට ගන්නා අවස්ථාවේදී ඔහු සතුව අයිස් මත්ද්රව්ය ග්රෑම් 05යි මිලිග්රෑම් 430ක් හා ව්යාජ විදේශ ගුවන්ගමන් බලපත්රයක් තිබී සොයාගෙන තිබේ.
සැකකරු වයස අවුරුදු 32ක් වන තලාහේන ප්රදේශයේ පදිංචිකරුවෙකි.
සැකකරු සම්බන්ධව සිදුකළ වැඩිදුර විමර්ශනයේදී මොහුට කොළඹ මහාධිකරණයේ විභාග වන නඩු 02ක් සඳහා විවෘත වරෙන්තු නිකුත්ව ඇති බවට අනාවරණය වී ඇත.
බස්නාහිර පළාත දකුණ දිසා අපරාධ කොට්ඨාසය වැඩිදුර විමර්ශන සිදුකරයි.










