දිවයිනේ ප්රදේශ කිහිපයකට අදත් (15) තරමක වැසි තත්වයක් ඇතිවිය හැකි බව කාලගුණ විද්යා දෙපාර්තමේන්තුව පවසයි.
ඒ අනුව සබරගමුව, මධ්යම සහ බස්නාහිර පළාත්වලත්, දකුණු පළාතේ ගාල්ල සහ මාතර දිස්ත්රික්කවලත් විටින් විට වැසි ඇතිවිය හැකි බවද ඇතැම් ස්ථානවලට මි.මී. 50ට වැඩි තරමක තද වැසිද ඇතිවිය හැකි බවද එම දෙපාර්තමේන්තුව ජනතාවට දැනුම් දෙයි.
වයඹ පළාතේ වැසි වාර කිහිපයක් ඇතිවිය හැකි බවත් ම්පාර සහ මඩකළපුව දිස්ත්රික්කවල ස්ථාන ස්වල්පයක සවස 2.00න් පමණ පසු වැසි හෝ ගිගුරුම්සහිත වැසි ඇතිවිය හැකි බවත් කාලගුණ විද්යා දෙපාර්තමේන්තුව දැම්දෙයි.
දිවයින හරහා, විශේෂයෙන්ම උතුරු, උතුරු-මැද සහ වයඹ පළාත්වලත්, ත්රිකුණාමලය, හම්බන්තොට, සහ නුවරඑළිය දිස්ත්රික්කවල සහ මධ්යම කඳුකරයේ බටහිර බෑවුම් ප්රදේශවල විටින් විට හමන පැ.කි.මී 50 පමණ තද සුළං ඇතිවිය හැකි බව කාලගුණ විද්යා දෙපාර්තමේන්තුව වැඩිදුරටත් පැවසීය.









