ආගමික අන්තවාදීන් සිදුකරන ප්‍රචණ්ඩ සහ වෛරී මත ජනගතවීම වැලැක්විය යුතුයි

ආගමික අන්තවාදීන් සිදුකරන ප්‍රචණ්ඩ සහ වෛරී මත ජනගතවීම වැලැක්විය යුතුයි

පාස්කු ප්‍රහාරයෙන් පසු ආගමික ප්‍රජාවන් අතර පැවති විශ්වාසය බිඳ වැටීම නොසළකා හැරිය‌ නොහැකි කරුණක් බව එක්සත් ජාතීන්ගේ ආගමික විශ්වාසයන් හා ඇදහීම් පිළිබඳ එක්සත් ජාතීන්ගේ නියෝජිත අහමඩ් ශාහිඩ් මහතා පවසයි.

ඒ මහතා මේ බව සඳහන් කර ඇත්තේ දින 12ක් පුරා මෙරට තුළ සිදුකළ සංචාරයකින් අනතුරුවය. සංචාරය අතරතුරදී මෙරට රාජ්‍ය නිලධාරීන්, සිවිල් ජනතාව සහ ප්‍රජා මූල හමුවී ඇති අතර ඒ අනුව සකස්කළ වාර්තාවක් ඉදිරි මාර්තු මාසයේ පැවැත්වීමට නියමිත එක්සත් ජාතීන්ගේ මානව හිමිකම් කවුල්සිල සැසිවාරයට ද ඉදිරිපත් කිරීමට නියමිතය.

සංචාරයෙන් අනතරුව ඒ මහතා වැඩිදුරටත් සඳහන් කර ඇතතේ ශ්‍රී ලාංකික රජය පාස්කු ප්‍රහාරයෙන් පසු තත්වය පාලනය කිරීමට සමත් වුව ද ඇතැම් ආගමික ප්‍රජාවන් සිය ආරක්ෂාව සම්බන්ධව අවධානයකින් පසුවන බවය.

එසේම ආගමික නායකයන් හා සිවිල් සංවිධාන සාමය ගොඩ නැගීම සඳහා යම් ක්‍රියාමාර්ග අනුගමන කර ඇති බව ද ඒ් මහතා සඳහන් කර තිබේ.

එසේම දේශපාලන අරමුණු වෙනුවෙන් වාර්ගික හා ආගමික අර්බුධය භාවිත නොකරන්නැයි ද ඒ මහතා ශ්‍රී ලංකා රජය ඇතුලු සියළු පාර්ශ්වයන්ගෙන් ඉල්ලා ඇත.

Facebook
Twitter
LinkedIn