බන්දුලගේ අභියෝගයට මහින්දගෙන් අභියෝගයක්

ඇමති බන්දුල ගුණවර්ධන ස්වාධීන් රූපවාහිනියෙන් කරන ලද අභියෝග බාරගන්නා බවත් හැකිනම් ඕනෑම රූපවාහිනී නාලිකාවක සජීවී සංවාදයකට එන්නයි ඇමතිවරයාට පෙරලා අභියෝගකරන බවත් ලංකා ගුරු සේවා සංගමය පවසයි. එම සංගමයේ ප්‍රධාන ලේකම් මහින්ද ජයසිංහ මහතාගේ ප්‍රධාත්වයෙන් ඊයේ පැවති මාධ්‍ය සාකච්ඡාවකදී ඒ මහතා මේ බව පැවසීය.

උසස් පෙළ ප්‍රතිපල ප්‍රශ්නයට වගකිවයුතු බන්දුල ගුණවර්ධන සහ එස්.බී දිසානායක ඇමතිවරු ශ්‍රේෂ්ඨාධිකරණයේ තීන්දුව හෑල්ලුවට පත් නොකර වහාම ඇමති තනතුරු වලින් ඉවත් නොවන්නේ නම් ඔවුන් ගෙදර යැවීමේ දීප ව්‍යාප්ත සටන දැවැන්ත පෙත්සමක් අත්සන් කිරීම හා උද්ඝෝෂණ වැඩපිළිවෙලකින් හෙට (4 ) ආරම්භ කරන බවත් ලංකා ගුරු සේවා සංගමය කියයි.

2011 උසස් පෙළ විභාගයේ උත්තර පත්‍ර නැවත සමීක්ෂණයේ ප්‍රතිඵල පිළිගත නොහැකි බවත් සිසුන් හා මවුපියන් විශාල පිරිසක් ඒ බව දන්වා ඇති බැවින් සාධාරණය ඉටුකර ගැනීම සඳහා නැවත අධිකරණ ක්‍රියාමාර්ගයකට යා හැකි දැයි අද (3) සාකච්ඡා කරන බවත් මහින්ද ජයසිංහ මහතා පවසයි.

ඇමති දෙපලි උසස් පෙළ ඉසෙඩ් ලකුණු සහ ගුරු සංගම් පිළිබඳව විවිධ වැරදි මත පළ කරමින් සිටිනබවත් ඒ මහතා වැඩිදුරටත් පැවසීය.

Facebook
Twitter
LinkedIn