එක්සත් ජාතීන්ගේ සංවිධානයේ 71 වන සැසිවාරයට සහභාගීවීම සඳහා මේ වන විට රාජ්ය නායකයින් ඇතුළු නියෝජිතයින් රැසක් පැමිණෙමින් තිබෙන අමෙරිකාවේ, නිව්යෝර්ක් නුවරට සිදු වූ පිපුරුමකින් පුද්ගලයින් 25 දෙනෙකු පමණ තුවාල ලබා තිබේ.
නිව්යෝර්ක් නුවර, මෑන්හැටන් ප්රදේශයේ මෙම පිපිරුම සිදුව ඇති අතර පිපුරුමත් සමග අධික ශබ්දයක් නිකුත් වූ බව සිද්ධිය ඇසින් දුටුවන් මාධ්ය වෙත පවසා ඇතැයි විදෙස් මාධ්ය වාර්තා කරයි.
මෙරට වේලාවෙන් අද උදෑසන පිපුරුම සිදුව ඇති අතර ග්රිනීච් වේලාවෙන් අද (18) අළුයම 01.00 පමණ මෙම පිපුරුම සිදුව ඇති බව විදෙස් ප්රවෘත්ති වාර්තා සඳහන් වාර්තා කරයි.
පිපුරුම සිදු වූ ස්ථානයට ගිනි නිවීම් රථ සහ ගිලන් රථ යොමු කර ඇති අතර තුවල ලැබූවන් රෝහල් කරා යොමු කිරීම මේ කටයුතුද ඉතා කඩිනමින් සිදු කර තිබේ.
මේ අතර අදාළ පිපුරුමට පැය කිහිපයකට පෙර ස්වේච්ඡා සංවිධානයක් විසින් සුබසාධන වැඩසටහනක් පැවැත්වීමට නියමිතව තිබූ නිව්ජර්සි ප්රදේශයේ නලයක් තුළද බෝම්බයක් පුපුරාගොස් තිබුණි.
එම පිපුරුමෙන් ජීවිත හානි කිසිවක් සිදුව නොතිබුණි.
අමෙරිකානු බුද්ධි අංශ සිද්ධිය සම්බන්ධයෙන් විමර්ශන ආරම්භ කර තිබේ.














