සංවිධානාත්මක අපරාධ වැළැක්වීමේ පනත් කෙටුම්පත ගැසට් කිරීමට පියවර ගෙන තිබේ.
මෙරට තුළ සංවිධානාත්මක අපරාධ වැළැක්වීම, බරපතළ අපරාධවලට එරෙහිව කාර්යක්ෂමව කටයුතු කිරීම සහ සංවිධානාත්මක අපරාධ කණ්ඩායම්වලින් එල්ල වන තර්ජනවලින් සමාජය ආරක්ෂා කිරීම සඳහා අවශ්‍ය නීතිමය විධිවිධාන සැලසීම මෙම පනත් කෙටුම්පතේ ප්‍රධාන අරමුණ වන බවයි සඳහන් වේ.
එසේම ජාතික හා ජාත්‍යන්තර සහයෝගිතාව තුළින් බරපතළ අපරාධ වැළැක්වීම සහ ඒවාට එරෙහිව කටයුතු කිරීම මෙන්ම, ජාත්‍යන්තර සීමා ඉක්ම වූ සංවිධානාත්මක අපරාධවලට එරෙහි එක්සත් ජාතීන්ගේ සම්මුතිය බලාත්මක කිරීම සඳහා අවශ්‍ය නීතිමය පදනම සැකසීමද මෙමඟින් අපේක්ෂා කරන බව පැවසේ.
පසුගිය මාර්තු 30 වැනි දින පැවැති ඇමති මණ්ඩල රැස්වීමේදී නව පනත් කෙටුම්පතක් සකස් කිරීම සඳහා අනුමැතිය ලබා දී තිබිණි.
