රට තුළ ආර්ථික අර්බුදයක් මතුව ඇති බැවින් පළාත් පාලන ආයතන ඡන්ද විමසීම කල් දමන නියෝගයක් නිකුත් කරන ලෙස ඉල්ලා විශ්රාමික යුද හමුදා කර්නල් ඩබ්ලිව්.එම්.ආර් විජේසුන්දර විසින් ඉදිරිපත් කර ඇති රිට් පෙත්සම අද (20) ශ්රේෂ්ඨාධිකරණය හමුවේ කැඳවීමට නියමිතය.
මෙම පෙත්සම පසුගිය 10 වනදා සලකා බැලීම සඳහා කැඳවූ අවස්ථාවේදී එය වැඩිදුර සලකා බැලීම ලබන 23 වනදා දක්වා කල් තැබීමට ශ්රේෂ්ඨාධිකරණය නියම කළේය.
කෙසේවෙතත් අදාළ පෙත්සම ලබන 23 වනදාට පෙර කැඳවන ලෙස ඉල්ලමින් පෙත්සම්කරු විසින් සිය නීතිඥවරුන් මාර්ගයෙන් පසුගියදා මෝසමක් ගොනුකර තිබිණි.
එවන් පසුබිමක අදාළ පෙත්සම අද එස්. තුරෙයිරාජා සහ ශිරාන් ගුණරත්න යන ශ්රේෂ්ඨාධිකරණ විනිසුරු මඩුල්ල ඉදිරියේ කැඳවීමට නියමිතය.
Views: 0










