ඊයේ(29) දින ලන්ඩන්හි පාලමක් මත සිදුවූ වෙඩි තැබීමේ සිද්ධියට වගකිවයුතු ත්‍රස්තවාදියා 28 හැවිරිදි උස්මාන් ඛාන් නැමැත්තෙකු බව හඳුනාගෙන තිබේ.
සැකකරු 2012 වසරේ දී ලන්ඩනයේ කොටස් වෙළඳපොළ පුපුරුවා හැරීමේ කුමන්ත්‍රණයට ද වරදකරුවූවෙකු බව විදෙස් මාධ්‍ය සඳහන් කරයි.
ලන්ඩනයේ පාලමක් මතදී කිසියම් පිරිසක් කලහකාරීව හැසිරී ඇති අතර එහිදී පිහි ඇණුම් ප්‍රහාරයක් ද සිදුව තිබේ. පසුව එම ස්ථානයට පැමිණි පොලීසිය ත්‍රස්ත සැකකරුට වෙඩි තබා ඇති අතර එහිදී ඔහු ජීවිතක්ෂයට පත්විය. ඒ වනවිට සැකකරු පුපුරණ ද්‍රව්‍ය සහිත ඇඳුම් කට්ටලයකින් ද සැරසී සිට ඇතැයි විදෙස් මාධ්‍ය වාර්තාකර තිබේ.
