මැර ප්‍රහාරයක් සම්බන්ධයෙන් අත්අඩංගුවට ගත් රංජිත් සොයිසාට ඇප

මැර ප්‍රහාරයක් සම්බන්ධයෙන් අත්අඩංගුවට ගත් රංජිත් සොයිසාට ඇප

පුදග්ලයෙකුට මැර ප්‍රහාරයක් දියත් කිරීම සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටි මහින්ද පිලේ රත්නපුර දිස්ත‍්‍රික් පාර්ලිමේන්තු මන්ත‍්‍රී ටී. රංජිත් සොයිසා මහතා රුපියල් ලක්‍ෂ දෙක බැගින් වූ ශරීර ඇප මත නිදහස් කිරිමට පැල්මඩුල්ල මහේස්ත‍්‍රාත් ජනිතා රෝෂිනී පෙරේරා මහත්මිය අද (28) නියෝග කර තිබේ.

අයුතු ජන රාශියක සාමාජියෙක්ව සිටිමින් පුද්ගලයකුට පහරදීමේ සිද්ධියක් සම්බන්ධයෙන් ඔහුව අත්අඩංගුවට ගෙන ලබන ජනවාරි 01 වැනි දා තෙක් රක්ෂිත බන්ධනාගාර ගත කරන ලදී.

ඉකුත් 16 වැනිදා ගොඩකවෙල නගරයේදී පුද්ගලයෙකුට පහරදීමේ සිද්ධීයක් සම්බන්ධයෙන් මන්ත්‍රී රංජිත් සොයිසා මහතා ඇතුළු සිව්දෙනෙකු පසුගිය 20 වැනිදා පොලිසිය විසින් අත්අඩංගුවට ගනු ලැබීය.

මන්ත්‍රීවරයා ඇප මත මුදාහරින ලෙස ඉල්ලා ඉදිරිපත් කළ මෝසමක් අධිකරණය හමුවේ කැඳවූ අවස්ථාවේ මෙම නියෝගය සිදු කර ඇත.

එමෙන්ම අදාළ නඩුව යළි ජනවාරි 01 වැනිදා කැඳවිමටද අධිකරණය තීන්දු කර තිබේ.

Facebook
Twitter
LinkedIn