ඉන්දු – ලංකා ආර්ථික සහ තාක්ෂණික සහයෝගීතා එකඟතාව හෙවත් එට්කා ගිවිසුම පිළිබඳ ඉන්දියාව හා ශ්රී ලංකාව අතර පැවැත්වෙන සිව්වැනි නිල සාකච්ඡාව අද (24) නව දිල්ලියේදී පැවැත්වීමට නියමිත බව වාර්තා වේ.
මෙම සාකච්ඡා දින තුනක් පැවැත්වෙන බවත් එය අප්රේල් 26 අවසන් වනු ඇති බවත් පැවසේ.
පසුගිය දෙසැම්බර් 31වනදා එට්කා ගිවිසුමට අත්සන් තැබීමට ශ්රී ලංකා ආණ්ඩුවට අවශ්ය වූ නමුත් ශ්රී ලංකාව තුළ පැවති විරෝධතා නිසා එය අඩියක් පස්සට ගැනීමට ආණ්ඩුවට සිදු විය.
එහෙත්, ගිවිසුම අත්සන් කිරීම සඳහා කාල විරාමයක් අවශ්ය නොවන බවත් දෙපාර්ශවයම තෘප්තිමත් වනතුරු ඒ පිළිබඳ සාකච්ඡා කළ යුතු බවත් පසුගිය දා මෙරට සංචාරයක නිරත වූ ඉන්දීය වාණිජ කටයුතු ඇමතිනී නිර්මලා සීතාරාමන් ප්රකාශ කර තිබිණ.
Views: 0










