SAITM විරෝධී සටනේ තීරණාත්මක තීන්දුව අද

SAITM විරෝධී සටනේ තීරණාත්මක තීන්දුව අද

සයිටම් ආයතනය වසා දැමීමට අදාළව වෘත්තීය ක්‍රියාමාර්ග ඇතුළු තීන්දු තීරණ ගැනීමේ විශේෂ සාකච්ඡාවක් අද (03) පෙරවරුවේ රජයේ වෛද්‍ය නිලධාරීන්ගේ සංගමය හා එක්ව සිදුකරන බව ජාතික වෘත්තීය සමිති මධ්‍යස්ථානය පවසයි.

රජයේ වෛද්‍ය නිලධාරීන්ගේ සංගමය සමඟ එක්ව සිදුකරන මෙම සාකච්ඡාවට වෘත්තීය සමිති රැසක් සහභාගි වන බව ජාතික වෘත්තීය සමිති මධ්‍යස්ථානයේ සභාපති, ජනතා විමුක්ති පෙරමුණේ දේශපාලන මණ්ඩල සභික කේ.ඩී. ලාල් කාන්ත මහතා පවසයි.

සයිටම් ගැටලුව විසඳීමට ජනාධිපති මෛත්‍රිපාල සිරිසේන මහතාට ලබාදුන් සතියක කාලය මේ වනවිට අවසන් වී ඇති බැවින් දැවැන්ත වෘත්තීය ක්‍රියාමාර්ග ගැනීමටද සූදානම් බව රජයේ වෛද්‍ය නිලධාරීන්ගේ සංගමය දන්වා තිබිණි.

ලාල් කාන්ත මහතා පැවැසුවේ අද රජයේ වෛද්‍ය නිලධාරීන්ගේ සංගමය ගන්නා ක්‍රියාමාර්ගයට තම වෘත්තීය සමිතිවල ප්‍රබල සහායක් ලබාදීමටත් ඉන් පරිබාහිරව වෘත්තීය ක්‍රියාමාර්ග රැසක් ගැනීමටත් ජාතික වෘත්තීය සමිති මධ්‍යස්ථානය සූදානම් බව ය.

Facebook
Twitter
LinkedIn