ජාතික ආණ්ඩුවක් යැයි පවසමින් වත්මන් රනිල් – මෛත්රී හවුල් ආණ්ඩුව හැදුවේ රට හදන්නනම් 2020දී ශ්රී ලංකා නිදහස් පක්ෂයයි එක්සත් ජාතික පක්ෂයයි තනියෙන් ආණ්ඩු හදන්නේ රට කන්නටදැයි ජනතා විමුක්ති පෙරමුණේ ප්රචාරක ලෙකම් විජිත හේරත් මහතා පවසයි.
ඒ මහතා මේ බව පැවසූවේ ජනතා විමුක්ති පෙරමුණ මේ දිනවල රට පුරා දියත් කර ඇති දිස්ත්රික් මෙහෙයුම් ක්රියාවලියට සමගාමීව පසුගිය මාර්තු 30 සිට අද (02) දක්වා පැවති ගම්පහ දිස්ත්රික් මෙහෙයුමේ ජනහමුවකදීය.
එහිදී වැඩිදුරටත් අදහස් දැක්වූ විජිත හේරත් මහතා…
“මේ ආණ්ඩුවට අවුරුදු දෙක හමාරක් ගෙවිල ඉවරයි. ඒ ගෙවිච්ච කාලය තුළ දීපු පොරොන්දු සහ කරල තියෙන දේවල්වල තත්වය පෙබරවාරි මාසේ 27වෙනිදා වෙනකොට ලංකා ඉතිහාසයේ වෙච්ච බරපතලම මහ බැංකු මූල්ය වංචාව සිද්ධ කලා.
කමිටු දානවා, කොමිෂන් දානවා, ප්රශ්න කරනවා නඩු අහනවා අවුරුදු දෙකක් තිස්සේ මේවා ඇදි ඇදී යනවා. කිසිදු විශ්වාසයක් නැහැ ඒ බැඳුම්කර වංචාවේ චූදිතයන්ට දඬුවම් දෙයි කියලා මේ ආණ්ඩුව තියෙන තාක්කල්. ඇයි ඒ? දඬුවම් දෙනවනම් ආණ්ඩුවේ ප්රධානීනුත් ඒකේ චූදිතයෝ. ඔවුන්ටත් ඒ දඬුවම දෙන්න ඕන. ඒක මේ ආණ්ඩුවෙන් සිද්ධ වෙන්නේ නැහැ. සිද්ධවෙන එකම දේ තමයි පත්තරවල පිටු ගණන් කොමිෂන්වල වාර්තා යයි. ඒ ඔක්කොම ඉවරවෙනකොට තව අවුරුද්දක් දෙකක් යනවා. එතකොට 2020යි. ආණ්ඩුවේ කාලය ඉවරයි. ඕක තමයි වෙන්න පුළුවන් දේ.
ඇයි මේ? එකකටවත් විසඳුම් දීගන්න බැහැ. අර්බුදවලට මේ ආණ්ඩුවට උත්තර නැහැ. මේ ආණ්ඩුවට තියෙන එකම හැකියාව අර්බුදය කල්දාන එක. ඒක තමයි ජනතාවගේ පැත්තෙන් කියන්නේ මොකක්වත් වෙන්නෙ නැහැනෙ. ඔහේ නිකන් ආණ්ඩුවක් යනවා. ගුණත් නැහැ අගුණත් නැහැ. දෙගොල්ලෝ යන්නේ දෙපැත්තක. වික්රමසිංහ මහත්තයා හදනවා ඊලඟට එජාප ආණ්ඩුක් හදන්න. මෛත්රීපාල සිරිසේන මහත්තයා බලනවා ඊලඟට ශ්රීලනිප ආණ්ඩුක් හදන්න. ඒකනේ කට්ටිය කියන්නේ 2020දී අපි හදන්නේ තනිකර ශ්රී ලංකා නිදහස් පක්ෂයේ ආණ්ඩුවක් කියලා. එහෙම කියන ගමන් අනික්පැත්තට කියනවා අපි මේ ජාතික ආණ්ඩුව හැදුවේ රට හදන්න කියලා. ජාතික ආණ්ඩුව හැදුවේ රට හදන්න 2020දි අපි තනියෙන් ආණ්ඩු හදනවා. මේක හැදුවේ රට හදන්නනම් 2020දී තනියෙන් ආණ්ඩුවක් හදන්නේ රට කන්නෙයි. මොකද්ද මේ අපබ්රංශය. ඇත්ත කතාව දෙගොල්ලෝ එකතුවුනේ රට හදන්න නෙවෙයි. දෙගොල්ලෝ එකතුවුනේ ඇමතිකම් බෙදාගන්න.”
මහර නාතුඩුව සුහද හමුව
මහර ඇටිකෙහෙල්ගල්ල ජනතා රැලිය
මහර පොකුණ හංදිය ජනහමුව
මහර ඉහළකරගහමුණ රාජසිංහ මාවත ජනහමුව
ඌරාපොල දීනපමුණුව ප්රදේශය සංවාදශීලී කතිකාව
කරස්නාගල ප්රදේශය සංවාදශීලී කතිකාව
වැලිවේරිය ප්රදේශයේ පැවති ජනහමුව
ඔරුතොට ප්රදේශයේ පැවති ජනහමුව
තිහාරිය ප්රදේශයේ පැවති ජනහමුව
බියගම ප්රදේශයේ ව්යාපාරික හා විද්වත් හමුව
අකරගම ප්රදේශයේ පැවති ජනහමුව
මාකොළ ජනතා රැලිය
ලින්දර ප්රදේශයේදී පැවති ජන හමුව
රජවත්ත ප්රදේශයේදී පැවති ජන හමුව
කම්මල්පිටිය ප්රදේශයේ පැවති ජන හමුව
ඊරියවැටිය ප්රදේශයේ පැවති ජන හමුව
ගල්බොරැල්ල ප්රදේශයේ පැවති ජනහමුව
ජා ඇල වෑවල ප්රදේශයේ පැවති ජනහමුව
ජා ඇල ප්රදේශයේ පැවති සුහද හමුව
කිරිදිවැල නගරයේ පැවති තරුණ හමුව
දොම්පෙ කුමාරිමුල්ල ප්රදේශයේ පැවති සුහද හමුවක්
