ජනතා විමුක්ති පෙරමුණේ නිර්මාතෘ රෝහණ විජේවීරගේ 83 වෙනි ජන්ම දිනය ජූලි 14 දිනට යෙදී තිබිණි.
ජනතා විමුක්ති පෙරමුණේ ප්රධාන ලේකම් ටිල්වින් සිල්වා තබන ලද කාව්යාත්මක සැමරුම් සටහනක් සමාජ මාධ්ය තුළ වේගයෙන් සංසරණය වෙමින් පවතී. එය උපුටා ගෙන පහත දැක්වේ.
දුඹුරු පැහැ වීදිවල
ගුරු පාර කෙලවර අපේ ගම්වල
ඇත්තමයි අඳුර පමණයි
තිබුණේ දිවා රෑවල
පරපුරෙන් පරපුරට කාලයක්
හුස්ම වැටුණේ පුරුද්දට
ඒත් තිබුණද සතුට සැනසුම
පොළොව එක්කම හැපෙනවා හැර
ලස්සන පුංචි දූපත
පාට පාටට මල් පිපුණ
මුවඟ මුවඟට සිනා බෝවුණ
කිළිටි කළා උන් බලයට
මිත්යා ඝන අන්ධකාරය
වෙළා ගනිමින් ජීවිත
ගුහා ගත කළ යුගයක
නුඹ රැගෙන ආවා ප්රභාතය
උඩුගම් බලා පිහිනන
වැටුණත් වේගයෙන් නැගිටින
මිනිසුන් තනා මේ බිම
නුඹ හිනැහුණා නිහඬව
ප්රභාමත් හෙට දිනකට
අකුරු ඇමිණූ සොහොයුර
නුඹේ උපතම අලූත් උපතකි
මතු මතුත් අපට මග කියන
(ජූලි 14 දිනට යෙදෙන ජනතා විමුක්ති පෙරමුණේ නිර්මාතෘ ආදරණීය රෝහණ විජේවීර සහෝදරයාගේ උපන්දිනය වෙනුවෙනි)










