කෝටි 1,700ක හෙරොයින්, අයිස් සමග ඇල්ලූ ධීවරයන් රක්ෂිත බන්ධනාගාරයට

රුපියල් කෝටි 1,700ක වටිනාකමකින් යුත් අයිස් මත්ද්‍රව්‍ය කිලෝ 67යි ග්‍රෑම් 452ක් සහ හෙරොයින් කිලෝග්‍රෑම් 191යි ග්‍රෑම් 752ක් සමග ගැඹුරු මුහුදේදී අත්අඩංගුවට පත් ධීවරයන් 08 දෙනා ලබන 25 දින දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් තනූජා ලක්මාලි අද (11) නියෝග කර තිබේ.

ශ්‍රී ලංකා නාවික හමුදාව විසින් ගැඹුරු මුහුදේදී බහු දින යාත්‍රාවක සිටියදී අත් අඩංගුවට ගත් සැකකාර ධීවරයන් 08 දෙනා මත්ද්‍රව්‍ය කාර්යාංශය මගින් අධිකරණයට ඉදිරිපත් කිරීමෙන් පසුව මෙසේ රක්ෂිතව බන්ධනාගාර ගත කර ඇත.

අත්අඩංගුවට ගත් පිරිස අවුරුදු 20ත් 58ත් අතර වයස්වල පසුවන හික්කඩුව, අහුන්ගල්ල, බේරුවල, ගෝනාපීනුවල සහ අළුවල ප්‍රදේශවල පදිංචි අයවලුන් බව පැවසේ.