මාලදිවයින් විදේශ කටයුතු ඇමැති අද ලංකාවට

මාලදිවයින් විදේශ කටයුතු ඇමැති අද ලංකාවට

තෙදින නිල සංචාරයක් සඳහා මාලදිවයින් විදේශ කටයුතු ඇමැති අබ්දුල්ලා කලීල් අද (18) ශ්‍රී ලංකාවට පැමිණීමට නියමිතව තිබේ.

එළඹෙන 21දා දක්වා මෙරට රැඳී සිටින මාලදිවයින් විදේශ ඇමැතිවරයා සිය සංචරය අතරතුර ජනාධිපති අනුර කුමාර දිසානායක සහ අගමැතිනී අචාර්ය හරිනි අමරසූරිය හමුවීමට නියමිත බව විදේශ කටයුතු අමාත්‍යාංශය පවසයි.

ඊට අමතරව මාලදිවයින් විදේශ ඇමැතිවරයා සහ ඔහුගේ දූත පිරිස විදේශ කටයුතු, විදේශ රැකියා සහ සංචාරක අමාත්‍යාංශයේදී විදේශ කටයුතු ඇමැති විජිත හේරත් සමඟ නිල ද්විපාර්ශ්වික සාකච්ඡා පැවැත්වීමට නියමිතව ඇත.

මාලදිවයින් විදේශ කටයුතු ඇමැති අබ්දුල්ලා කලීල් සමඟ ශ්‍රී ලංකාවට පැමිණෙන දූත කණ්ඩායමට එරට විදේශ ලේකම් ෆාතිමාත් ඉනායා ඇතුළු පිරිසක් අයත් වෙති.

Facebook
Twitter
LinkedIn