ජාත්යන්තර බෝවන රෝග සංගමයේ තේරී පත් වූ සභාපතිනිය ලෙස ශ්රී ජයවර්ධනපුර විශ්වවිද්යාලයේ ප්රතිශක්තිකරණය හා අනුක වෛද්ය විද්යා දෙපාර්තමේන්තුවේ මහාචාර්ය නීලිකා මලවිගේ පත් කරගෙන ඇති අතර ඇය 2027 වර්ෂයේ සිට අදාළ ධුරයේ රාජකාරී ආරම්භ කිරීමට නියමිත බව වාර්තා වේ.
ජාත්යන්තර බෝවන රෝග සංගමයේ සභාපති ධුරය එක් අයෙකුට වසර දෙකක කාලයක් පවතී.
බෝවන රෝග ක්ෂේත්රයට ලබා දී ඇති දායකත්වය සැලකිල්ලට ගනිමින් මහාචාර්ය නීලිකා මලවිගේ අදාළ ධුරය සඳහා ජාත්යන්තර බෝවන රෝග සංගමය විසින් තෝරා පත් කරගෙන ඇති බව සඳහන්ය.
ඇය කොළඹ විශ්වවිද්යාලයේ වෛද්ය උපාධිධාරිනියක් වන අතර ඔක්ස්ෆර්ඩ් විශ්වවිද්යාලයෙන් ආචාර්ය උපාධියද හිමිකරගෙන තිබේ.
ඩෙංගු රෝගය සම්බන්ධයෙන් මෙන්ම කොවිඩ්-19 වෛරසය, සාර්ස් වෛරසය වැනි වෛරස් ක්රියාකාරකම් සම්බන්ධයෙන් ඇය විසින් සිදුකරන ලද පර්යේෂණ සඳහා ජාත්යන්තරයේ පිළිගැනීමක් පවතී.
ලොව බලපෑම් සහගත පර්යේෂණ අගය කරමින් එල්.සේවියර් ස්ටෑන්ෆර්ඩ් ශ්රේණිගත කිරීම්වලට අනුව මහාචාර්ය නීලිකා මලවිගේ මහත්මිය ලොව ඉහළම විද්යාඥයින්ගේ ලැයිස්තුවටද ඇතුළත්ව සිටී.










