සහල් මිල සම්බන්ධ ගැටලුව විසඳීම සඳහා ගත යුතු කඩිනම් පියවර පිළිබඳ ජනාධිපති අනුර කුමාර දිසානායක කෘෂිකර්ම අමාත්යාංශයට සහ වී අලෙවි මණ්ඩලයට උපදෙස් ලබා දී තිබේ.
ඒ ජනාධිපති අනුර කුමාර දිසානායක කෘෂිකර්ම, වෙළෙඳ අමත්යාංශවල සහ වී අලෙවි මණ්ඩලයේ නිලධාරින් පිරිසක් අද (25) පෙරවරුවේ ජනාධිපති කාර්යාලයේ දී හමු වී සාකච්ඡාවක නිරත වූ අවස්ථාවේදීය.
සහල් මිල සහ ඒ සම්බන්ධයෙන් පවතින වර්තමාන තත්වයන් පිළිබඳව මෙහිදී දීර්ඝ ලෙස සාකච්ඡාවට ලක් කර ඇති අතර ඒ සම්බන්ධව ගත යුතු කඩිනම් ක්රියාමාර්ග පිළිබඳව ජනාධිපති අනුර කුමාර දිසානායක නිලධාරීන්ට උපදෙස් ලබා දී ඇත.
අගමැති ලේකම් ප්රදීප් සපුතන්ත්රි, කෘෂිකර්ම, ඉඩම්, පශු සම්පත්, වාරිමාර්ග, ධීවර හා ජලජ සම්පත් අමාත්යාංශයේ ලේකම් එම්.පී.එන්.එම් වික්රමසිංහ, වෙළෙඳ, වාණිජ, ආහාර සුරක්ෂිතතා, සමූපකාර සංවර්ධන, කර්මාන්ත සහ ව්යවසායකත්ව සංවර්ධන අමාත්යාංශයේ ලේකම් එම්.එම් නයිමුදීන්, වී අලෙවි මණ්ඩලයේ සභාපති ඒ.එම්.යූ පින්නලන්ද ඇතුළු නිලධාරීන් පිරිසක් මෙම සාකච්ඡාවට එක්ව සිටි බව ජනාධිපති මාධ්ය අංශය පවසයි.










