මෙරට දේශපාලන සංස්කෘතියේ පැහැදිලි වෙනසක් ඇති කරමින් ආර්ථික ස්ථාවරත්වය හා වර්ධනය අත්කර ගත හැකි ප්‍රතිපත්ති පවතින්නේ ජාතික ජන බලවේගයේ ජනාධිපති අපේක්ෂක අනුර කුමාර දිසානායක වෙත බව ආචාර්ය අමීර් අලි අවධාරණය කර තිබේ.
පසුගිය 15 වෙනි දින Daily FT පුවත්පතට ලිපියක් සපයමින් ආචාර්යවරයා ඒ බව අවධාරණය කර ඇත. එම ලිපිය සමන් පුෂ්ප ලියනගේ සිංහලට පරිවර්තනය කර පසුගිය සිකුරාදා ලංකාදීප පුවත්පතේ පළ කර තිබිණි. ඒ බව තහවුරු කළ කොටස උපුටා ගෙන පහත දැක්වේ.
“මේ රටේ දේශපාලන සංස්කෘතිය සහ පාලන ක්‍රමය වෙනස් කිරීමට සැදී පැහැදී සිටින්නේ තුන්වැනි අපේක්ෂකයා
වන අනුර කුමාර දිසානායකයි. ඔහු ජාත්‍යන්තර මූල්‍ය අරමුදල සමඟ, එය පැන වූ කොන්දේසි සම්බන්ධයෙන් යළි
සාකච්ඡා කරන බවට පොරොන්දු වී ඇත. එසේ සාකච්ඡා කිරීමට බලාපොරොත්තු වන්නේ හුදෙක් මූලික වශයෙන්
ණය ස්ථාවරභාවය උදා කර ගැනීම සඳහා මූල්‍ය ස්ථාවරත්වය හා ආර්ථික වර්ධනය ඇති කර ගැනීමට අවධානය යොමු
කරමින් ඉදිරිපත් කර ඇති මූල්‍ය අරමුදලේ පිළියම්වලින් වෙනස්ව ගොස් වර්ධන යාන්ත්‍රණය දේශීය නිෂ්පාදන අංශය
යළි පණගැන්වීම ඔස්සේ එම අරමුණු කරාම යොමු වීමේ බලාපොරොත්තුවෙනි. මෙය අනෙක් අපේක්ෂකයන් දෙදෙනා
පෙනී සිටින ක්‍රමෝපායයන්ට වඩා මුළුමනින්ම වෙනස් වූවකි. ශ්‍රී ලංකාවේ විදේශ වෙළෙඳ පොළට මේ වන විටත්
අහිතකර ලෙස බලපා ඇති යුද්ධ දෙකෙන් මතු වූ කැළැඹිලි සහ අවිනිශ්චිතතාව පවතින තත්ත්වයක් තුළ එය බොහෝ
අර්ථවත් වූවකි. එම කාරණා සවිස්තරව ඉදිරිපත් කරනු ඇත. ඒ සඳහා මෙම මස 26 වැනිදා අනුර කුමාර දිසානායක
සිය පක්ෂයේ ප්‍රතිපත්ති ප්‍රකාශය ප්‍රසිද්ධියට පත් කරන තුරු සිටිය යුතු වේ.
කෙසේ වුවද, කලින් පෙන්වා දුන් පරිදි ආර්ථිකය හා යහපාලනය වනාහි එකිනෙකින් වෙන් කළ නොහැකි එකට වෙළී පවතින්නකි. එකක් ලෙඩ වූ විට අනෙකට සෞඛ්‍ය සම්පන්න පැවැත්මක් නොමැත. අනුර කුමාර දිසානායක සහ ජා.ජ.බ. මෙම දෙකටම එක විට පිළියම් යෙදීම අවශ්‍යය. ප්‍රජාතන්ත්‍රවාදය තහවුරු කිරීම මත පදනම් වූ නව ව්‍යවස්ථාවක් ඊට අවශ්‍ය වේ. ජා.ජ.බ. නියෝජනය කරනුයේ, දේශපාලන වශයෙන් උගත්, තරුණ පරපුරට ඡන්දදායකයන්ගේ අවශ්‍යතාවය. ඔවුහු පැරැණි ක්‍රමය පිළිබඳ විශ්වාසය බිඳ ගත්තෝ වෙති.”
