දිවයින පුරා රෝහල් ආවරණය කරමින් පළාත් මට්ටමින් අද (02) සිට සංකේත වැඩ වර්ජනයක් ආරම්භ කරන බව රජයේ වෛද්ය නිලධාරීන් ගේ සංගමය පවසයි.
සෞඛ්ය ක්ෂේත්රයේ මෙම වර්ජනය සිදු කරනු ලබන්නේ සෞඛ්ය පද්ධතියේ බිඳ වැටීම යම් මට්ටමකින් හෝ සමනය කිරීම සඳහා වෛද්යවරුන් රට තුළ රඳවා ගැනීමට රජය අපොහොසත් වීමට විරෝධය පළ කරමින් බව එම සංගමය නිවේදනය කරයි.
ඒ අනුව ඌව පළාත තුළ අද පෙරවරු 08.00 සිට පැය 24ක සංකේත වැඩ වර්ජනයක් ක්රියාත්මක කරන බව රජයේ වෛද්ය නිලධාරීන්ගේ සංගමයේ මාධ්ය ප්රකාශක වෛද්ය චමිල් විජේසිංහ පවසයි.
මේ අතර වැටුප් ගැටලුව, රාජ්ය විශ්වවිද්යාලවලට ලබාදෙන අරමුදල් කප්පාදු කිරීම ඇතුළු කරුණු කිහිපයකට විරෝධය පළ කරමින් අද දින රජයේ සියලු විශ්වවිද්යාලවල සංකේත වැඩ වර්ජනයක නිරත වන බව විශ්වවිද්යාල ආචාර්ය සමිති සම්මේලනයේ මාධ්ය ප්රකාශක ජ්යේෂ්ඨ කථිකාචාර්ය චාරුදත්ත ඉලංගසිංහ අවධාරණය කරයි.










