කෑගල්ල දිස්ත්‍රික් ලේකම් සමග රබර් වගාවේ නිරතවූවන්ගේ ගැටළු සාකච්ඡාකරයි

කෑගල්ල දිස්ත්‍රික් ලේකම් සමග රබර් වගාවේ නිරතවූවන්ගේ ගැටළු සාකච්ඡාකරයි

මේ මොහොතේ කෑගල්ල දිස්ත්‍රික්කයේ රබර් වගාකරුවන් සහ යැපෙන්නන් මුහුණ දෙන ප්‍රශ්න පිළිබඳ සාකච්ඡා කිරීමට කෑගල්ල දිස්ත්‍රික්කයේ රබර් වගා කරුවන්ගේ සහ ආශ්‍රිත යැපෙන්නන්ගේ එකමුතුව අද (26) දින කෑගල්ල දිස්ත්‍රික් ලේකම්වරයා හමු වී තිබේ.

රබර් මිළ අඩු වීම හේතුවෙන් මේ දිනවල කෑගල්ල දිස්ත්‍රික්කයේ රබර් වගාකරුවන් සහ යැපෙන්නන් බරපතල ගැටළු රාශියකට මුහුණ දී සිටී.

කෑගල්ල දිස්ත්‍රික්කය තුළ හෙක්ටයාර 38,000ක් පමණ රබර් වගා කර ඇති අතර ඉන් හෙක්ටයාර 22,000ක් පමණ කුඩා රබර් වතු වේ. දිස්ත්‍රික්කය තුළ පුද්ගලයන් ලක්ෂයකට ආසන්න පිරිසක් යැපෙන්නේ රබර් වගාවෙනි. කෑගල්ල දිස්ත්‍රික්කය වැඩිම ආදායමක් උපයන්නේද රබර් වගාව හා ඒ ආශ්‍රිත නිපැයුම්වලිනි.

මෙම සාකච්ඡාව සඳහා කෑගල්ල දිස්ත්‍රික්කයේ රබර් වගා කරුවන්ගේ සහ ආශ්‍රිත යැපෙන්නන්ගේ එකමුතුව නියෝජනය කරමින් ගාමිණී තුන්මුදුන, ජයකොඩි ගුණතිලක හා උපාලි රත්නායක යන අය එක් වී සිටියහ.

Facebook
Twitter
LinkedIn