උද්දමනය තවත් පිම්මක – සංඛ්‍යා පරස්පරයකුත්

උද්දමනය තවත් පිම්මක – සංඛ්‍යා පරස්පරයකුත්

භාණ්ඩ හා සේවා මිල විශාල වශයෙන් ඉහල යාමෙන් ජනතාව අසීමිත පීඩනයකට පත්ව සිටින අතර උද්දමනය සම්බන්ධයෙන් නිකුත් කරන නිල දත්තවල පැහැදිලි පරස්පරයන් ද හෙළිවී තිබේ.

ශ්‍රී ලංකා මහ බැංකුව උද්දමනය මාසිකව නිල වශයෙන් ප්‍රකාශයට පත් කරයි. එහිදී ජාතික පාරිභෝගික මිල දර්ශකය සහ කොළඹ පාරිභෝගික මිල දර්ශකය යන නිර්ණායක දෙක උපයෝගී කර ගනු ලැබේ. මේ නිසා එම නිර්ණායක දෙක අතර පැහැදිලි වෙනස්කම් පැවතීමෙන් මහජනතාවට නිරවුල් තොරතුරු සම්ප්‍රේෂණය නොවීමේ තත්වයක් පවතී.

පසුගිය ජූනි මාසයේදී ජාතික පාරිභෝගික මිල දර්ශකයේ දත්ත අනුව ජූනි මාසය අවසන් වන විට 58.9% ක උද්දමනයක් පැවති අතර මැයි මාසයේදී එය 45.3%ක පැවති බව වාර්තා කර ඇත.

මේ අතර ජූලි මාසයට අදාළ කොළඹ පාරිභෝගික මිල දර්ශකය මත ඉදිරිපත් කර තිබෙන දත්ත අනුව උද්දමනය 60.8%ක් ලෙස සඳහන් වේ. එය ජූනි මස අවසන් වනවිට 54.6%ක් වී තිබූ බව සඳහන් ය. මේ අනුව මිල දර්ශක දෙක අතර පැහැදිලි පරස්පරතා තිබීමෙන් ජනතාවට නිරවුල් තොරතුරු ලබා ගැනීමට නොහැකි වී ඇත.

මූලාශ්‍ර – http://www.statistics.gov.lk/

Facebook
Twitter
LinkedIn