2025 ஆம் ஆண்டில் நடாத்தப்படுகின்ற சனாதிபதி தேர்தலில் போட்டியிடப் போவதில்லை என சனாதிபதி கோட்டாயப ராஜபக்ஸ கூறியதாக செய்திகள் வெளியாகியுள்ளன.

அரசாங்கத்துடன் தொடர்புடைய 10 சிறிய கட்சிகளுடன் நடாத்தப்பட்ட பேச்சுவார்த்தையின்போது சனாதிபதி இது பற்றிக் குறிப்பிட்டார்.

நாளுக்கு நாள் வேகமாக மக்களின் வெறுப்பிற்கு இலக்காகி வருகின்ற அரசாங்கத்தை மீண்டும் வெற்றிப்பாதையில் ஆற்றுப்படுத்துவதற்காக இந்த பேச்சுவார்த்தையின்போது அரசாங்கத்தின்; சிறிய கட்சிகளின் பிரதிநிதிகள் மூலமாக சனாதிபதிக்கு உபாயமுறைத் திட்டமொன்று சமர்ப்பிக்கப்பட்டுள்ளது. அரசாங்கத்தின் கட்சிக் கூட்டமைப்பின் தலைமைத்துவத்தை கோட்டாபய ராஜபக்ஸ பொறுப்பேற்கவேண்டுமெனவும் தொடர்ச்சியாக சிறிய கட்சிகளின் பிரதிநிதிகளுடன் தொடர்புகளை பேணிவந்து பேச்சுவார்த்தைகளை மேற்கொண்டு 2025 சனாதிபதி தேர்தலை இலக்காகக்கொண்டு பிரச்சார பொறியமைப்பில் இப்போதிருந்தே பிரவேசிக்க வேண்டுமெனவும் அவர்கள் முன்மொழிந்துள்ளனர். அதன்போது சனாhதிபதியவர்களை சமூகத்தில் உயர்த்திவைக்கின்ற பொறுப்பினை 10 சிறிய கட்சிகளும் ஈடேற்றுவதாக அவர்கள் உறுதிமொழி பகன்றுள்ளார்கள்.

எனினும் அதற்கான தீர்;வாக சனாதிபதி கோட்டாபய ராஜபக்ஸ அடுத்த சனாதிபதி தேர்தலில் தான் போட்டியிடப் போவதில்லை என கூறியுள்ளார். அடுத்த சனாதிபதி தேர்தலில் சிறுபான்மை இனத்தவர்களின் வாக்குகளை பெற்றுக்கொள்ளக்கூடிய வேட்பாளரொருவரையே முன்வைக்க வேண்டுமெனவும் அந்த வேட்பாளருக்கு அவசியமான சிங்கள வாக்குகளை தாம் சேகரித்துக் கொடுப்பதாகவும் சனாதிபதி மேலும் தெரிவித்துள்ளார்.

அண்மையில் பேராசிரியர் மெதகொட அபயதிஸ்ஸ தேரருடன் தொலைபேசி உரையாடலொன்றை நடாத்திய சனாதிபதி தான் மீண்டும் சனாதிபதி தேர்தலில் போட்டியிடப் போவதில்லையெனக் கூறியுள்ளார்.

வடக்கு மாகாணச் சுகாதாரத் தொண்டர்கள் அம்மாகாண ஆளுநர் செயலகத்திற்கு முன்பாகத் தொடர்ந்து 04.03.2021 வியாழக்கிழமை நான்காவது நாளாகவும் கவனயீர்ப்புப் போராட்டத்தில் ஈடுபட்டனர்.

2019 ஆம் ஆண்டு அப்போதைய ஆளுநர் எடுத்த முயற்சியின் பயனாக வடக்கு மாகாணத்தைச் சேர்ந்த தொண்டர்களாகப் பணியாற்றிய சுகாதாரப் பணியாளர்களுக்கு நிரந்தர நியமனம் வழங்கும் முகமாக அவர்களுக்கு நியமனக் கடிதங்கள் வழங்கப்பட்டிருந்தன.

இந்நிலையில் நியமனத்தில் முறைகேடு இடம்பெற்றுள்ளது எனத் தெரிவித்துப் பாதிக்கப்பட்ட சுகாதாரப் பணியாளர்கள் போராட்டத்தில் ஈடுபட்டதன் காரணமாக நியமனங்கள் அனைத்தும் இடைநிறுத்தப்பட்டிருந்தன. இந்நிலையில், நிரந்தர நியமனக்கடிதம் பெற்ற சுகாதாரப் பணியாளர்கள் 454 பேர் இடைநிறுத்தப்பட்ட நிரந்தர நியமனத்தை மீளப்பெற்றுத் தருமாறு கோரிக்கை விடுத்து இக்கவனயீர்ப்புப் போராட்டத்தை முன்னெடுத்துள்ளனர்.

இலங்கையின் விடுதலையையும் தேசிய இனங்களுக்கான சுயநிர்ணய உரிமையையும் பெறுவதற்கான மார்க்கம் எதுவென்பதை மார்க்சிச லெனினிசக் கட்சி செய்திக் குறிப்பொன்றின் மூலம் தெளிவுப்படுத்தியுள்ளது. அக்கட்சி இலங்கையின் உண்மையான சுதந்திரத்தையும், தேசிய சிறுபாண்மை இனங்களுக்கான சுயநிர்ணய உரிமையையும் பெறுவது எவ்வாறு எனத் தெரிவித்த செய்திக் குறிப்பில் குறிப்பிட்ட விடயங்கள் அரசியல் தெளிவுடன் இயைந்த மிகவும் வரவேற்கக்கூடியவையாக உள்ளன.

அவ்விடயங்கள் கீழ்வருமாறு அமைந்துள்ளன.

‘சுபீட்சத்தின் நோக்கு’ என்பது வெறும் பெயர்ப்பலகையாகவே விளங்குவதாலேயே இன்று அந்நிய வல்லரசுகளின் ஆடுகளமாக இலங்கை மாற்றமடைந்துள்ளது.

மக்கள் நீண்டகாலமாக முன்வைக்கும் அரசியல் கைதிகளின் விடுதலை, தொல்லியல் மற்றும் வன வளம் என்றும் பெயர்களில் இடம்பெறும் நில ஆக்கிரமிப்புக்களை நிறுத்துதல் மற்றும் ஆக்கிரமிக்கப்பட்ட மக்களின் நிலங்களை விடுவித்தல் காணாமல் ஆக்கப்பட்டோருக்கான நீதி ஆகிய நியாயமான கோரிக்கைகளுக்குத் தீர்வை வழங்க வேண்டும். இதேவேளை ஒடுக்கப்படும் தேசிய இனங்கள் மத்தியில் தீர்வுக்கான பொதுக் கோரிக்கைகளை முன்வைக்காது நாடாளுமன்ற, மாகாண சபை, பிரதேச சபை ஆகியவற்றின் ஆசனங்களுக்கான வாக்குவங்கி அரசியலையே தமிழ், முஸ்லிம், மலையகத் தமிழ் அரசியல் தரப்புகள் முன்வைத்து வருகின்றன. பெரும் அழிவுகளையும் துன்பங்களையும் அனுபவித்து, இன்றும் முழுமையாக மீண்டுவரமுடியாது தவிக்கின்ற தமிழ் மக்களை ஐ.நா தீர்வு தரும், ஐரோப்பிய ஒன்றியம் தலையிடும், அமெரிக்கா அதற்கு உதவும், இந்தியாவே எமக்கு இரங்கவேண்டும் எனத் தொடர்ச்சியாகப் பிழையான வழிகாட்டல்கள் மூலம் தமது இருப்பைப் பாதுகாத்துவரும் எமது தமிழ்த் தலைவர்கள் தமது எசமானர்களை நோக்கி நீங்களே வந்து வடக்கு, கிழக்கில் நிலைகொள்ளுங்கள் என்று கேட்கும் துரோகத்தன அரசியலுக்குச் செல்லத் தயாராகவிருப்பது விசனத்திற்குரியதாகும். இந்தியா, சீனா, அமெரிக்கா உள்ளிட்ட எந்த வல்லரசும் இலங்கையில் கால் ஊன்றவும், வளங்களைச் சுரண்டவும், ஆதிக்கம் செலுத்தவும் வேண்டாமென்னும் குரல் தெற்கிலும், வடக்கிலும், மேற்கிலும், கிழக்கிலும், மலையகத்திலும் ஓங்கி ஒலிக்கும்போதே இலங்கைக்குரிய விடுதலையும், சுதந்திரமும், தேசிய இனங்களுக்கான சுயநிர்ணய உரிமையும் கிடைக்க முடியும்.

மார்க்சிச லெனினிசக் கட்சியின் மேற்கண்டவாறான கருத்துக்களை நாட்டு மக்கள் அனைவரும் ஏற்றுகொள்ள முன்வர வேண்டும். 

மனித உரிமை செயற்பாட்டாளர் ருக்கி பெர்னாண்டோ மற்றும் கொழும்பின் ஆங்கில ஊடக ஊடகவியலாளர்களை இரணைதீவிற்குள் நுழைய கடற்படையினர் தடை விதித்துள்ளனர்.

கொரோனா தொற்றால் இறந்தவர்களின் உடல்களை கிளிநொச்சி – இரணைதீவில் புதைக்க அரசாங்கம் முயன்று வரும் நிலையில், அது தொடர்பில் ஆராய இன்று (5) காலை குறித்த குழுவினர் இரணைமாதா நகரை சென்றடைந்தனர்.
எனினும் அங்கிருந்து இரணைதீவிற்கு நுழைய கடற்படையினர் அனுமதி மறுத்து, அவர்களை தடுத்து நிறுத்தியுள்ளனர்.

இது தொடர்பில் ஊடகத்துறை அமைச்சர் கெஹெலிய ரம்புக்வெலவிடம் முறையிட்ட போது, ‘அது பற்றி தனக்கு தெரியாது என்றும் ஆராய்வேன் என்றும்’ தெரிவித்துள்ளார். மாவட்ட செயலாளர், ‘தான் கூட்டம் ஒன்றில் இருப்பதாகவும், இது தொடர்பில் மனித உரிமைகள் ஆணைக்குழுவிடம் முறையிட்டதாகவும்’ தெரிவித்தார் என்று ஆங்கில ஊடகம் ஒன்று தெரிவித்துள்ளது.
அப்பகுதி மக்களை மட்டுமே அங்கு செல்ல அனுமதிப்போம் என கடற்படை பேச்சாளர் தெரிவித்துள்ளார்.

நன்றி : உதயன் 

 நாட்டில் தற்போது நிலவும் வரட்சியான வானிலை மார்ச் 6ஆம் திகதியிலிருந்து மாற்றமடையும் என எதிர்பார்க்கப்படுவதுடன், நாட்டின் பெரும்பாலான பகுதிகளில் மாலையில் மழையோ அல்லது இடியுடன் கூடிய மழையோ பெய்வதற்கான சாத்தியம் உயர்வாகக் காணப்படுவதாக வளிமண்டலவியல் திணைக்களம் எதிர்வு கூறியுள்ளது.

மேலும்,

“கிழக்கு கரையோரப் பிரதேசங்களில் சிறிதளவில் மழை பெய்யக் கூடிய சாத்தியம் காணப்படுவதுடன் மத்திய மற்றும் சப்ரகமுவ மாகாணங்களிலும் காலி மற்றும் மாத்தறை மாவட்டங்களிலும் நாளை மாலையில் அல்லது இரவில் மழையோ அல்லது இடியுடன் கூடிய மழையோ பெய்வதற்கான சாத்தியம் காணப்படுகின்றது.

ஊவா மற்றும் மேல் மாகாணங்களில் சில இடங்களில் காலை வேளையில் பனிமூட்டமான நிலை எதிர்பார்க்கப்படுகின்றது.” என்றும் அறிவிக்கப்பட்டுள்ளது.