பதுளை மருத்துவமனையில் புற்றுநோய் சிகிச்சைப்பிரிவில் 31 பேருக்கு கொரோனா தொற்று உறுதி செய்யப்பட்டுள்ளது.
இதையடுத்து புற்றுநோய் சிகிச்சைப்பிரிவை தற்காலிகமாக மூட முடிவு செய்யப்பட்டுள்ளது.
ஒரு மருத்துவர், மருத்துவமனை ஊழியர், 29 நோயாளிகள் என 31 பேர் பாதிக்கப்பட்டுள்ளனர்.
மார்ச் 2 ஆம் அங்கு பணியாற்றிய ஒரு செவிலியருக்கு கோவிட் தொற்று இருப்பது கண்டறியப்பட்டது.
இதை அடுத்து, மற்றொரு செவிலியர் மற்றும் இரண்டு பணியாளர்கள் கொரோனா வைரஸால் பாதிக்கப்பட்டுள்ளதாக பி.சி.ஆர் தகவல்கள் நேற்று உறுதிப்படுத்தின.
இதையடுத்து குறித்த வைத்தியசாலையில் மேலும் பலர் பாதிக்கப்பட்டுள்ளனர். இதனால் மேலும் பதுளை மருத்துவமனையின் அதிகாரிகள் புற்றுநோய் சிகிச்சை பிரிவை தற்காலிகமாக மூட முடிவு செய்துள்ளனர்.
இதேவேளை வைரஸால் பாதிக்கப்பட்ட அனைத்து மருத்துவமனை ஊழியர்களுக்கும் கொரோனா தடுப்பூசி போடப்பட்டதாகவும் தெரிவிக்கப்படுகிறது.
