ලෝකයේ ප්රධානත මෝටර් රථ නිෂ්පාදනය කරන රටවල් අතුරින් පස්වැනි ස්ථානය දක්වා ඉහළට පැමිණීමට මේ වනවිට ඉන්දියාව සමත් වී ඇති බව වාර්තා වේ.
මෙතෙක් ලොව පස්වන ස්ථානය හිමිකර ගෙන සිටියේ දකුණු කොරියාව විසිනි. ඉන්දියාව මෙම ස්ථානය හිමි කරගෙන ඇත්තේ වසරේ මුල් මාස හත තුළදී මෝටර් රථ මිලියන 2.75ක ප්රමාණයක් නිෂ්පාදනය කර වෙළඳ පොළ වෙත නිකුත් කිරීමත් සමගය. දකුණු කොරියාව වසරේ මුල් මාස හත තුළදී වෙළඳ පොළ වෙත නිකුත් කර ඇති මෝටර් රථ ප්රමාණය මිලියන 2.55ක් බව පැවසේ.
ලෝව මෝටර් රථ නිෂ්පාදනයේ ප්රමුඛයා බවට පත්ව පත්ව ඇත්තේ චීනයයි. චීනය වසරේ මුල් මාස හත තුළදී මෝටර් රථ මිලියන 12.79ක් නිෂ්පාදනය කර ඇති අතර දෙවැනි ස්ථානයේ පසුවන ඇමෙරිකාව මෝටර් රථ මිලියන 7.08ක්ද තෙවැනි ස්ථානයේ පසුවන ජපානය මෝටර් රථ මිලියන 5.40ක්ද සිව් වැනි ස්ථානයේ පසුවන ජර්මනිය මෝටර් රථ මිලියන 3.62ක්ද නිෂ්පාදනය කර තිබේ.
දකුණු කොරියාව මෙම ලැයිස්තුවේ පස්වැනි ස්ථානය වසර ගණනාවක් පුරා තහවුරු කර ගැනීමට සමත්ව සිටියත් මේ වනවිට ඉන්දියාව එම ස්ථානය තහවුරු කර ගැනීමට සමත් වී තිබේ.
![]()









