අයිස් මත්ද්‍රව්‍ය කිලෝ ග්‍රෑම් 300කට අධික ප්‍රමාණයක් සමග කිරින්ද ප්‍රදෙශයේදී අත්අඩංගුවට ගත් සැකකරුවන් 07 දෙනා දින 07ක කාලයක් රඳවාගෙන ප්‍රශ්න කිරීමට තිස්සමහාරාම මහෙස්ත්‍රාත් අධිකරණය පොලිසියට අවසර ලබා දී තිබේ.
ඒ ඊයේ එම සැකකරුවන් ඊයේ (12) පස්වරුවේ තිස්සමහාරාම මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුවය.
ඒ අනුව එම සැකකරුවන් සම්බන්ධයෙන් පොලිස් මත්ද්‍රව්‍ය නාශක කාර්යාංශය විසින් විමර්ශන සිදුකිරීමට නියමිතය.
බස්නාහිර පළාත් උතුරු අපරාධ කොට්ඨාශයට ලද තොරතුරක් මත කිරින්ද ප්‍රදේශයේදී මුහුදු මාර්ගයෙන් දිවයිනට රැගෙන ආ අයිස් මත්ද්‍රව්‍ය කිලෝග්‍රෑම් 329ක තොගයක් සමග සැකකරුවන් හත් දෙනෙකු ඊයේ දිනයේදී අත්අඩංගුවට ගනු ලැබීය.
අදාළ මත්ද්‍රව්‍ය ඩුබායිහි සැඟව සිටින සංවිධානාත්මක අපරාධ කල්ලි සාමාජිකයකු සහ මත්ද්‍රව්‍ය ජාවාරම්කරුවෙකු වන දික්වැල්ලේ `රන් මල්ලි’ නැමැත්තාට අයත් බවටද පොලිසිය සිදුකළ මූලික විමර්ශනවලදී අනාවරණය වී ඇති බව සඳහන්ය.
