රොයිටර් පුවත්සේවයට අනුව වොෂින්ටනයට යවන ලද සංක්රාන්ති පාලන ආයතනයකට වසර දෙකක වරමක් ලබා දෙන, එක්සත් ජනපදය විසින් සකස් කරන ලද ගාසා තීරය පිළිබඳ එක්සත් ජාතීන්ගේ ආරක්ෂක මණ්ඩල යෝජනාව සම්බන්ධ කෙටුම්පතට ලෝක බැංකුව සහාය දක්වා ඇත. ගාසා තීරය ප්රතිසංස්කරණය කිරීම සඳහා ඩොලර් බිලියන 50 කට වඩා වැය වන බව ලෝක බැංකුව, එක්සත් ජාතීන්ගේ සංවිධානය සහ යුරෝපීය සංගමය පෙබරවාරි මාසයේදී ඇස්තමේන්තු කළ අතර ඩොලර් බිලියන 70ක නව මූලික ඇස්තමේන්තුවක් අවසාන වශයෙන් යෝජනා කර සිටින බව වාර්තා වේ.
ඊශ්රායලය සහ හමාස් සංවිධානය ගාසා තීරයේ සාමය ස්ථාපිත කිරීම සඳහා එක්සත් ජනපද ජනාධිපති ඩොනල්ඩ් ට්රම්ප් විසින් ඉදිරිපත් කරන ලද කරුණු 20 කින් යුත් සැලැස්මේ පළමු අදියරට එකඟ වූ අතර එය සටන් විරාමයක් සහ ප්රාණ ඇපකරුවන් නිදහස් කිරීම පිළිබඳ ගිවිසුමකින් ආරම්භ විය. එක්සත් ජනපදය පසුගිය බදාදා ආරක්ෂක කවුන්සිලයේ සාමාජිකයින්ට කෙටුම්පත් යෝජනාව නිල වශයෙන් ඉදිරිපත් කළ අතර ඊජිප්තුව, කටාර්, සෞදි අරාබිය, තුර්කිය සහ එක්සත් අරාබි එමීර් රාජ්යය එම පාඨයට සහාය දුන් බව ප්රකාශ කළේය.
ඉන් පසුව එක්සත් ජාතීන්ගේ ආරක්ෂක මණ්ඩලයේ සාමාජිකයින් 15 දෙනා බ්රහස්පතින්දා මෙම ව්යාපෘතිය පිළිබඳ යලි සාකච්ඡා ආරම්භ කළ අතර, එය “සාම කවුන්සිලය” ලෙස නම් කරන ලද සංක්රාන්ති පාලන පරිපාලනයක් මත ස්ථාපිත කරනු ලබන අතර, ගාසා තීරය ප්රතිසංස්කරණය කිරීම සහ එහි ආර්ථික ප්රතිසාධන වැඩසටහන් වැනි ගැටළු විසඳීම සඳහා අවශ්ය නව මෙහෙයුම් ආයතන පිහිටුවීම සඳහා ද බලය ලබා දෙනු ඇත.
“ගාසාහි අපගේ මැදිහත්වීම සඳහා ජාත්යන්තර ප්රජාවේ පූර්ණ සහයෝගය ඇති ජාත්යන්තර හවුල්කරුවන් සමඟ වැඩ කිරීමේ හැකියාව සහ ඔවුන්ගේ සහය භාර ගැනීමට වූ සම්පූර්ණ අවසරය අවශ්ය වනු ඇත,” යයි ලෝක බැංකු සභාපති අජේ බංගා එක්සත් ජාතීන්ගේ එක්සත් ජනපද තානාපති මයික් වෝල්ට්ස් වෙත ලිපියක් යවමින් එසේ පවසා සිටි.
“යෝජනාවේ දක්වා ඇති පරිදි එක්සත් ජාතීන්ගේ ආරක්ෂක මණ්ඩලය විසින් ස්ථාපිත කරනු ලබන අධිකාරියක් – වත්මන් කෙටුම්පතේ සාම කවුන්සිලය – පිහිටුවීමේ යෝජනාව බැංකුවේ මැදිහත්වීම සඳහා අවශ්ය රාමුව සපයනු ඇත,” ප්රතිසංස්කරණය සහ සංවර්ධනය සඳහා සහාය වීම සඳහා මූල්ය සම්පත් පහසුකම් සැලසීමට සහ ලබා දීමට ලෝක බැංකුව සහ අනෙකුත් මූල්ය ආයතනවලින් ඉල්ලා සිටී ඇති අතර මෙම අරමුණ සාර්ථක කර ගැනීම සඳහා පරිත්යාගශීලීන් විසින් පාලනය කරන ලද භාර කාර අරමුදලක් නිර්මාණය කිරීමටද පියවර ගෙන ඇත.
එක්සත් ජාතීන්ගේ කෙටුම්පත් යෝජනාව අනුමත කරන සැලැස්මේ ඊළඟ අදියරට “සාම කවුන්සිලයක්” සහ තාවකාලික ජාත්යන්තර ස්ථාවරකරණ බලකායක් (ISF) පිහිටුවීම ඇතුළත් වේ. කෙටුම්පත මඟින් ISF හට වසර දෙකක ජනවරමක් ලබා දෙන අතර, එහි වරම ඉටු කිරීම සඳහා “අවශ්ය සියලු පියවර” ගැනීමට ඔවුන්ට බලය ඇත.
ආරක්ෂක මණ්ඩල යෝජනාවක් සම්මත වීමට නම්, එයට පක්ෂව අවම වශයෙන් ඡන්ද නවයක්වත් ලැබිය යුතු අතර රුසියාව, චීනය, ප්රංශය, එක්සත් රාජධානිය හෝ එක්සත් ජනපදය විසින් නිෂේධ බලය භාවිතා නොකළ යුතුය. ඉදිරි සති කිහිපය තුළ පනත් කෙටුම්පත ඡන්ද විමසීමකට ලක් කිරීමට අදහස් කරන බව වොෂින්ටන් ආරංචි මාර්ග ප්රකාශ කර තිබේ.
එසේම 2026 ජනවාරි සිට ක්රියාත්මක වන පරිදි නොවැම්බර් අග වනවිට ගාසා තීරයේ ජාත්යන්තර සාමසාධක බලකායක් පිළිබඳ යෝජනාව හැකි ඉක්මනින් සම්මත කර ගැනීමට ද එක්සත් ජනපදය අපේක්ෂා කරනු ලබයි. එහෙත් ගාසා තීරයේ සිදුවන ඕනෑම සංක්රාන්තියක් බටහිර ඉවුර සමඟ එහි එකමුතුකම ආරක්ෂා කර ගත යුතු අතර ඊශ්රායල සහ පලස්තීන අතර ද්වි-රාජ්ය විසඳුමක් සඳහා මග පෑදිය යුතු බවට ද එජා සංවිධානයේ ලේකම් ඇන්ටෝනියෝ ගුටරෙස් අඟහරුවාදා සමාජ සංවර්ධනය පිළිබඳ දෙවන ලෝක සමුළුවේදී කතා කරමින් කියා සිටියේය.
වොෂින්ටනය විසින් එහි අරාබි සහ ජාත්යන්තර හවුල්කරුවන් සමඟ නිර්මාණය කරන ලද තාවකාලික ජාත්යන්තර ස්ථාවරකරණ බලකායක් යෙදවීම ඇතුළත් එක්සත් ජනපද ජනාධිපති ඩොනල්ඩ් ට්රම්ප්ගේ කරුණු 20 සැලැස්ම ගැන විමසූ විට, ගුටරෙස් මහතා පවසා සිටියේ.
“ගාසා තීරයේ නිර්මාණය කරන ලද ඕනෑම ආයතනයකට ආරක්ෂක මණ්ඩල ජනවරමක නීත්යානුකූලභාවය තිබිය යුතු බවත්, පලස්තීන පොලිස් බලකායක් පුහුණු කිරීම සහ ස්ථාපිත කිරීම, ගාසා තීරය සහ බටහිර ඉවුර ප්රදේශ දෙක එක්සත් කිරීම මෙන්ම පලස්තීන අධිකාරිය විසින් එහි වගකීම් සම්පූර්ණයෙන්ම ක්රියාත්මක කල යුතුයි ප්රධාන පදනම විය යුතුයි” යයි එක්සත් ජාතීන්ගේ ප්රධානියා නැවත වරක් අවධාරණය කළේය.
