எதிர்வரும் நாட்களிலம் நாடு முழுவதும் கடும் வெப்பமான காலநிலை நிலவுவதனால் பொது மக்கள் கட்டாயமாக அதிக நீர் அருந்த வேண்டும் என வளிமண்டலவியல் திணைக்களம் மக்களிடம் கேட்டுக்கொண்டுள்ளது.

வெளியிடங்களில் வேலை செய்யும் மக்கள் அதிகமாக நீர் அருந்த வேண்டும். நிழல் உள்ள பிரதேசங்களில் மாத்திரம் ஓய்வு எடுக்க வேண்டும். வீட்டில் உள்ள சிறுவர்கள் மற்றும் குழந்தைகள் தொடர்பில் அவதானம் எடுக்க வேண்டும். என்றும் அறிவிக்கப்பட்டுள்ளது.

நாட்டில் ஏற்பட்ட காலநிலை மாற்றம் காரணமாக முல்லைத்தீவு, வவுனியா, திருகோணமலை, பொலநறுவை, மட்டக்களப்பு, மொனராகலை ஆகிய பிரதேசங்களில் மக்களுக்கு உடலுக்கு உணரக்கூடிய கடுமையான வெப்பமான காலநிலை நிலவும். எனவும் கூறப்பட்டுள்ளது.

சிங்களக் குடியேற்றங்களை தமிழர் தாயகத்தில் ஊக்குவிப்பதற்கும், அவ்வாறு குடியேறியவர்களுக்கு அரசின் உதவி ஒத்தாசைகளை வழங்குவதுமே ஜனாதிபதி கோட்டாபயவின்   பயணத்தின் நோக்கமாக இருக்கின்றது. தமிழ் மக்களுடன் நல்லெண்ணத்தை வளர்ப்பது என்பது அவரது அகராதியில் கிடையவே கிடையாது. சிங்கள – தமிழ் மக்களுடன் ஓர் உறவை ஏற்படுத்தும் சிந்தனையும் அவருக்கு கிடையாது.என்று தமிழ் மக்கள் தேசியக் கூட்டணியின் இணை ஊடகப் பேச்சாளரும் ஈ.பி.ஆர்.எல்.எவ். அமைப்பின் தலைவருமான சுரேஷ் பிரேமச்சந்திரன் தெரிவித்துள்ளார்.

ஜனாதிபதி கோட்டாபய ராஜபக்ச வவுனியா மாடவட்டத்தின் சிங்களக் கிராமத்துக்கு இன்று வருகை தருவது தொடர்பில் ஊடகங்களிடம் கருத்துரைக்கும்போதே அவர் இவ்வாறு கூறினார்.

6 ஆவது யாழ்ப்பாண சர்வதேச திரைப்பட விழாவின் விருது வழங்கும் நிகழ்வு ஏப்ரல் 07 அன்று கொழும்பில் நடைபெறவுள்ளது.

இந்த திரைப்பட விழா யாழ்ப்பாண தீபகற்பத்தின் சினிமா வசந்தம் என்று அழைக்கப்படுகிறது.

விழாவில் விருதுகள் வழங்கும் நிகழ்வை முன்னிட்டு ஏப்ரல் 03 முதல் ஏப்ரல் 07 வரை கொழும்பில் தேசிய திரைப்படக் கூட்டுத்தாபன சினிமா அரங்கில் ‘ட்ரவலிங் பெஸ்டிவல்’ என்ற திரைப்படத் திரையிடல் நடைபெறும் என்றும், தேர்ந்தெடுக்கப்பட்ட 10 படங்கள் அங்கு திரையிடப்படும் என்றும் அனோமா ராஜகருணா தெரிவித்துள்ளார்.

” ட்ரவலிங் பெஸ்டிவல் என்பது ஒவ்வொரு வருடமும் கொழும்பில் இருந்து பலர்  யாழ்ப்பாணத்திற்கு வருகை தருவதாகவும். இந்த ஆண்டு கொவிட் தொற்று காரணமாக நாங்கள் யாழ்ப்பாணத்திற்கு வர சொல்லி பெரிதும்  யாரையும் ஊக்கப்படுத்தவில்லை. இவ்விழாவில் ஏறக்குறைய 60 திரைப்படங்கள் இருந்தன.

அதன்படி, சர்வதேச, உள்ளூர் மற்றும் அறிமுக திரைப்பட விழாவின் மூன்று பிரிவுகளில் போட்டியிட்டு வென்ற மூன்று படங்களும் ஏப்ரல் 7 ஆம் திகதி விருது வழங்கும் விழாவில் திரையிடப்படும்.

இருப்பினும், கொவிட் – 19 அச்சுறுத்தல் காரணமாக விருதுகள் வழங்கும் விழா சிறப்பு விருந்தினர்களுக்கு சுகாதாரத் துறை விதித்த விதிகளின்படி மட்டுமே திறக்கப்படும், மேலும் சினிமாவில் இருக்கைகளின் எண்ணிக்கை குறைவாக இருக்கும். ” என்றும் அவர் குறிப்பிட்டார்.

நடப்பு அரசாங்கத்தின் அமைச்சர்கள் அரசாங்கத்தைப் பாதுகாப்பதற்காகப் பொய்களை அடுக்குவதாகவும், மக்களுக்கு பொறுப்பு கூற தவறியுள்ளமை வெளிச்சத்திற்கு வந்துள்ளதாகவும் எல்லே குணவங்ச தேரர் தெரிவித்துள்ளார்.

எல்ட்ராக்சின் புற்றுநோய் காரணி அடங்கிய தேங்காய் எண்ணெய் கொண்டு வரப்பட்டது  முதல், இந்நாட்டு மக்கள் அன்றாடம் பயன்படுத்தும் மரக்கறி, பழங்கள், சில்லறை பொருட்கள் உட்பட அனைத்தும் விஷமேற்றப்பட்டுள்ளதாகவும், அரசாங்கத்தின் அமைச்சர்கள் அதனை பொறுப்பேற்காது தம் கைகளில் உள்ள பந்தினை மாறி மாறி எறிவது போன்று செயற்படுவதாகவும் குற்றம் சாட்டினார். 

வெலிகம பல்நோக்கு கூட்டுறவு சங்கத்தில் காலாவதியான பருப்பில் புற்றுநோயை ஏற்படுத்தக்கூடிய எல்ட்ராடொக்சீன் கண்டறியப்பட்டுள்ளது.

யோகட்டுகள் விற்பனை செய்வதாக கிடைத்த தகவலுக்கு அமைய மேற்கொள்ளப்பட்ட பரிசோதனையின் போதே, காலாவதியுமான பயன்படுத்தமுடியாத புற்றுநோய் காரணியடங்கிய 3150 கிலோகிராம் பருப்பு கண்டறியப்பட்டுள்ளது.    

பரிசோதனை அறிக்கையில் இது உறுதிப்படுத்தப்பட்டுள்ளதாக வெலிகம தலைமை பொது சுகாதார ஆய்வாளர் எம்.எம்.எச். நிஹால் கூறியுள்ளார்.