எதிர்வரும் ஏப்ரல் 06 ஆம் திகதி தமிழ்நாடு சட்டமன்றத் தேர்தல் ஆரம்பமாகவுள்ள நிலையில், ஊடகங்கள் அறம் தவறி செயற்பட்டுள்ளமையானது, இந்திய ஊடகத்துறையின் மீது அவநம்பிக்கையை ஏற்படுத்தியுள்ளது.
“தமிழ்நாட்டில் மதச்சார்பற்ற தி.மு.க கூட்டணி ஆட்சியை கைப்பற்றும்.” என்று கருத்துக் கணிப்பு கூறுவதோடு, அச்சம் கொண்ட அ.தி.மு.க மற்றும் பா.ஜ.க கூட்டணி எதிர் பிரச்சாரத்தை மேற்கொள்ள ஊடகங்களை விலைக்கு வாங்கி விட்டது போன்ற கருத்துக்களும் எழுந்துள்ளன.
இதனை உறுதி செய்யும் விதமாக, தமிழ்நாட்டில் வெளிவரும் முக்கியமான பத்திரிகைகள் அனைத்திலும் ஒரே விதமாக தி.மு.க. விற்கு எதிராக பிரதானச் செய்திகள் பிரசுரிக்க பட்டிருந்தன. இதன் காரணத்தால் தமிழ்நாடு பத்திரிகை ஊடகங்கள் அறம் தவறி விட்டனவா? என்ற கேள்வி எழுந்துள்ளது.
பத்திரிகை ஊடகங்களின் இவ்வாறான செயலுக்கு எதிர்ப்பு தெரிவித்து பத்திரிகை வாசகர்கள் குறித்த பத்திரிகைகளை தீவைத்துக் கொளுத்தி உள்ளனர்.
