உயிர்த்த ஞாயிறு ஜனாதிபதி ஆணைக்குழு அறிக்கையில் தாக்குதல் பற்றி உலகத்திற்கு ஒரு தவறான காட்சியை கொண்டுசெல்வதாக அஸ்கிரி பீடத்தின் பிரதிப் பதிவாளர் சங்கைக்குரிய நாரம்பனாவே ஆனந்த தேரர் கூறுகிறார்.

இது சம்பந்தமாக மல்வத்து மற்றும் அஸ்கிரி பீடங்களைச்சேர்ந்த மகாநாயக்க தேரர்களின் அபிப்பிராயத்தை ஏற்கெனவே ஜனாதிபதிக்கு அறிவித்துள்ளதாகவும் அவர் மேலும் கூறினார்.
பொது பலசேனா அமைப்பின் தலைவர் கலகொடஅத்தே ஞானசார தேரரிடம் பிரதிப் பதிவாளரான தேரர் இதன் மூலமாக நாட்டின் பௌத்த அமைப்புகள் இலக்காகக் கொள்ளப்பட்டுள்ளதாக கூறியுள்ளார்.

இந்த அறிக்கை சம்பந்தமாக கருத்து தெரிவித்த ஸ்ரீ லங்கா பொதுஜன பெரமுனவின் தலைவர் அமைச்சர் ஜீ.எல்.பீரிஸ் இந்த அறிக்கை மிகவும் முக்கியமான விடயங்களை உள்ளடக்கியதாக குறிப்பிட்டுள்ளார். அத்துடன் அண்மையில் கிரிபாவயில் இடம்பெற்ற “கம சமங்க பிலிசந்தர” நிகழ்ச்சியில் இந்த அறிக்கையில் உள்ள விதப்புரைகளை நடைமுறைப்படுத்துவதாக கூறினார்.

சீனிவரியைக் குறைத்ததன் அநுகூலம் இரண்டு பாரியளவிலான சீனி இறக்குமதியாளர்களை சென்றடைந்தமை பற்றி பாராளுமன்றத்தின் நிதி பற்றிய குழுவினால்  கேட்கப்பட்ட கேள்விக்கான பதிலாக நிதி அமைச்சினால் சமர்ப்பிக்கப்பட்ட அறிக்கையொன்றில் வரிக் குறைப்பின் அநுகூலத்தை பாவனையாளருக்கு வழங்கவேண்டிய பொறுப்பு வர்த்தக அமைச்சிடமே  நிலவுவதாக கூறப்பட்டுள்ளது.  

இறக்குமதி செய்யப்படுகின்ற சீனியின் அளவு மற்றும் தரையிறக்கப்படுகின்ற விலையைத் தீர்மானிப்பதில் மாத்திரமே நிதி அமைச்சினால் இடையீடுசெய்ய  இயலுமென்பதை சுட்டிக்காட்டுகின்ற அறிக்கை அவற்றை நியாயமானவகையில் பகிர்ந்தளிப்பதும்  மக்களால் தாக்குப்பிடிக்கக்கூடிய சில்லறை விலையை தீர்மானித்து பேணிவருதலும் நிதி அமைச்சின் விடயப்பரப்பிற்குள் வருவதில்லை எனவும் அது வர்த்தக அமைச்சினதும் அதன்கீழ் உள்ள பாவனையாளர் அலுவல்கள் அதிகாரசபையினதும் அலுவலாகுமெனவும்  தனது முடிவில்  தெரிவித்துள்ளது.   

அத்துடன் சீனி வரியைக் குறைத்தல் தொடர்பான தீர்மானத்தின் அநுகூலம்  எதிர்பார்த்த வேகத்திலும் அளவிலும் பாவனையாளருக்கு கிடைக்காமல் போனமைக்கான காரணம் தனியுரிமை சந்தைக் கட்டமைப்பு மற்றும் உச்ச சில்லறை விலைக் கட்டுப்பாட்டின்போது பாவனையாளர் அலுவல்கள் அதிகாரசபையின் வினைத்திறமையீனமே என அந்த அறிக்கையில் மேலும் சுட்டிக்காட்டப்பட்டுள்ளது.

 வர்த்தக அமைச்சிற்கு பொறுப்பாக அமைச்சர் பந்துல குணவர்தன இருப்பதோடு பாவனையாளர்  அலுவல்கள் அதிகாரசபையின் தலைவர் ஓய்வுபெற்ற மேஜர் ஜெனரல் டீ.எம்.எஸ். திசாநாயக்க ஆவார். 

அரசாங்கத்திற்கும் முரண்பாடுகள் தொடந்துகொண்டிருப்பதுடன், அது உயிர்த்த ஞாயிறு தாக்குதல் விவகார்த்தில் மேலும் சூடுபிடித்துள்ளது. இதனால், உயிர்த்த ஞாயிறு குறித்த பல தகவல்கள் கசிய ஆரம்பித்துள்ளன.

உயிர்த்த ஞாயிறு தாக்குதலுடன் தொடர்புடையவர்களை காப்பாற்றுவதற்கு அரசாங்கம் முயற்சிப்பதாக அரசாங்கத்தின் கூட்டு கட்சியான தேசிய சுதந்திர முன்னணி பகிரங்கமாகவே அறிவித்துள்ளதிலிருந்து இதை நன்கு அறிய முடிகிறது. 

உயிர்த்த ஞாயிறு தாக்குதல் குறித்து மக்கள் விடுதலை முன்னணியின் மத்தியக்குழு உறுப்பினர் பிமல் ரத்நாயக்க,

“தேர்தலில் வாக்குகளைப் பெறுவதற்கான ஒரு கருவியாக ராஜபக்ஷவினர் ஈஸ்டர் தாக்குதல்களை பயன்படுத்திக்கொண்டனர். 

முன்னாள் ஜனாதிபதி மைத்ரிபால சிறிசேனவினால் நியமிக்கப்பட்ட ஜனாதிபதி ஆணைக்குழு தொடர்பாக ஜனாதிபதி கோட்டாபய ராஜபக்ஷ புதிதாக எதுவும் செய்யவில்லை. 60,000 பக்க அறிக்கையின் 20,000 பக்கங்கள் மட்டுமே வெளியிடப்பட்டுள்ளன. முக்கிய குற்றவாளிகளை அறிக்கை வெளிகொண்டுவரவில்லை.

உளவுத்துறை தீவிரவாத அமைப்புகளுக்கு பணம் கொடுத்தது என்ற உண்மையை பல ஆண்டுகளுக்கு முன்பு, முன்னாள் ஜனாதிபதி மஹிந்த ராஜபக்ஷ ஏற்றுக்கொண்டார். பணம் கொடுத்த விவகாரம் குறித்து பிரதமர் மஹிந்தவிடம் விசாரணை இடம்பெறவில்லை” என்று தெரிவித்தார். 

உயிர்த்த ஞாயிறு தாக்குதல் குறித்து அரசாங்கம் முறையான நடவடிக்கைகளைத் தீவிரப்படுத்தாததனால் சிங்கள மக்கள் மத்தியிலும் அரசாங்கம் குறித்து விமர்சனங்கள் எழும்புவதுடன், பிக்குமார்களும் தொடந்து விமர்சித்து வருவது குறிப்பிடத்தக்கது.

நக்கிள்ஸ் ஒதுக்கத்தைச் சார்ந்துள்ள மீமுறே கிராமவாசிகளுக்கு காடு பேணல் திணைக்களத்தின் மேற்பார்வையின்கீழ் நக்கிள்ஸ் ஒதுக்கத்தில் தெரிவுசெய்யப்பட்ட இடங்களில் ஏலக்காய் செய்கைக்காக அனுமதி வழங்க தீர்மானித்ததாக சிறிய பெருந்தோட்டச் செய்கை சார்ந்த கைத்தொழில்கள் மற்றும்
ஏற்றுமதி ஊக்குவிப்பு இராஜாங்க அமைச்சர் திரு. ஜானக வக்கும்புற கூறகிறார்.

ஏலக்காய் செய்கை பெரும்பாலும் உயர் மலைப் பிரதேசங்களிலேயே இடம்பெறுகின்றது. ஏலக்காய் செய்கையின் மறைவில் மேற்கொள்ளப்படுகின்ற சுற்றாடல் அழிவு அதிகரித்தமையாலேயே இன்றளவில் ஒதுக்கப் பிரதேசங்களில் ஏலக்காய் செய்கை தடைசெய்யப்பட்டுள்ளதாக கூறப்படுகின்றது.

மீமுறேவாசிகளுக்கும் மேற்சொல்லப்பட்ட அனுமதி வழங்கப்பட்டிராமையால் ஒதுக்கங்களில் ஏலக்காய் செய்கையில் ஈடுபட இயலாதுள்ளதாக அண்மையில் “கம சமங்க பிலிசந்தர” நிகழ்ச்சியில் சனாதிபதி கோட்டாபய ராஜபக்ஷவிற்கு அறிவித்து நிவாரணங்களை கோரியிருந்தார்கள்.

அது பற்றி விசாரித்தறிந்து அறிக்கையொன்றை வழங்குமாறு சனாதிபதி அறிவித்தமைக்கு அமைவாகவே தான்; மீமுறே கிராமத்திற்குச் சென்றதாக இராஜாங்க அமைச்சர் ஜானக வக்கும்புற கூறுகிறார். மீமுறே சுற்றுப்புறத்தில் அந்த கிராமவாசிகள் இதற்கு முன்னர் ஏலக்காய் செய்கை பண்ணிய மற்றும் அறுவடை செய்த தற்போது நக்கிள்ஸ் ஒதுக்கத்திற்குரிய காடு பேணல் திணைக்களத்தினால் நிருவகிக்கப்படுகின்ற ஒதுக்கங்களுக்குள் பிரவேசித்து ஏலக்காய்; அறுவடையைப் பெறவும் வனாந்தரங்களுக்கு சேதமேற்படாதவகையில் ஏலக்காய் செய்கையை ஒதுக்கங்களில் மேற்கொள்ளவும் அனுமதி வழங்க
தீர்மானிக்கப்பட்டுள்ளது.

காடு பேணல் திணைக்களம் ஊடாக செய்கைக்கு அவசியமான ஏலக்காய் கன்றுகள் வழங்கப்பட்டு செய்கைக்கான ஒதுக்கங்களுக்குள் பிரவேசிக்கின்ற மீமுறே மக்களின் அடையாளத்தை உறுதிசெய்துகொள்ளவும் காடு பேணல் திணைக்களம் வேலைத்திட்டமொன்றை வகுக்குமெனவும் இந்த அனுமதி மீமுறே மக்களுக்கேயன்றி வேறு பிரதேசங்களைச் சேர்ந்த மக்கள் ஏலக்காய் செய்கைக்காக ஒதுக்கங்களில் பிரவேசிப்பதற்கான அனுமதியாக அமையமாட்டாதெனவும் இராஜாங்க அமைச்சர் மேலும்
தெரிவித்தார்.

இந்தியாவின் சிவசேனா கட்சியைப் போல, இலங்கையில் ‘சிவசேனை’ என்றஅமைப்பைத் துவங்கியவர்மறவன்புலவு சச்சிதானந் தன். இவர் அண்மையில் பத்திரிகை ஒன்றுக்கு அளித்த பேட்டியில், இலங்கையில் ‘பாரதிய ஜனதா கட்சி’ என்றபெயரில் ஒரு கட்சி தொடங் கம் திட்டம் இருக்கிறது என்று கூறியிருந்தார்.

இதனிடையே, யாழ்ப்பாணத்தில் செய்தியாளர்களிடம் பேசிய வீ. முத்துச்சாமி என்பவர், 6 மாதத்துக்கு முன்னரே ‘பாரதிய ஜனதா கட்சி’என்ற பெயரில் புதிய கட்சி ஒன்றை இலங்கையில் தொடங்கிவிட்டோம்என்று தெரிவித்துள்ளார்.அதுமட்டுமல்ல, ‘பாரதியஜனதா’ என்ற சொல்லுக்கு என்ன அர்த்தம் என்றெல் லாம் எங்களுக்குத் தெரியாது. இந்தச் சொல் எந்த மொழிச் சொல் என்பதும் தெரியாது. கேட்பதற்கு நன்றாக இருந்தது. அதனாலேயே ‘பாரதியஜனதா கட்சி’ என்ற பெயரில்கட்சியை தொடங்கி விட்டோம் என்றும் அப்பாவித் தனமாக கூறியிருக்கிறார்.மேலும், “நாங்கள் இலங்கையில் ஆரம்பித் துள்ள பாரதிய ஜனதா கட்சிக்கும் இந்தியாவில் உள்ளபாரதிய ஜனதா கட்சிக்கும் தொடர்பு இருப்பதாக ஊடகங்களில் செய்திகள் வெளியானதால், எங்கள் கட்சியில் சேர்ந்த வேகத்திலேயே 1,500 பேர் விலகியும் விட்டனர்; இது எங்களுக்கு மிகவும்வருத்தம் தருகிறது” என்றும்புலம்பியுள்ளார்.

பம்பலப்பிட்டி இந்துக் கோவில்களுக்கு அவசியமான மலர்மாலைகள் இந்தியாவிலிருந்தே கொண்டுவரப்படுவதாக சுற்றாடல் அமைச்சர் மகிந்த அமரவீர கூறுகிறார்.

அதனால் வருடந்தோறும் ஒருதொகை அந்நிய செலாவணி இந்தியாவுக்குச் செல்வதாகவும் அவர் குறிப்பிடுகிறார்.

ஐரோப்பா மற்றும் அமெரிக்காவை உள்ளிட்ட நாடுகளுக்கு மலர் ஏற்றுமதி செய்வதன் மூலமாக இந்தியா பெருந்தொகையான வருமானத்தை வருடாந்தம் பெற்றுவருகின்றது. இலங்கையும் மலர்களை ஏற்றுமதி செய்தாலும் அந்தளவுக்கு பாரிய வெளிநாட்டுச் சந்தையைக் கட்டியெழுப்ப இயலவில்லை என அமைச்சர் கூறியுள்ளார்.

நேற்று (08) கதிர்காமத்தில் இடம்பெற்ற வைபவமொன்றில் கலந்துகொண்டே அவர் அதனைக் குறிப்பிட்டார்.

மார்ச்சு 22 அந் திகதி தொடக்கம் கதிர்காமம் புனித தலத்தில் பொலித்தின் மலர்மாலைகளை தடைசெய்வதாகவும் இயற்கையான மற்றும் எண்ணெய்க் கடதாசி மலர் மாலைகளின் பாவனையை கட்டாயமானதாக ஆக்குவதாகவும் அவர் மேலும் தெரிவித்தார்.

இலங்கை கிரிக்கெட் அணி, வெஸ்ட்இண்டீசில் சுற்றுப்பயணம் செய்து அந்த நாட்டு அணிக்கு எதிராக விளையாடி வருகிறது. இவ்விரு அணிகள் இடையிலான 3 ஆட்டங்கள் கொண்ட 20 ஓவர் தொடரில் 3-வது மற்றும் கடைசி 20 ஓவர் கிரிக்கெட் போட்டி ஆன்டிகுவாவில் இந்திய நேரப்படி நேற்று அதிகாலை நடந்தது.

‘டாஸ்’ ஜெயித்து முதலில் பேட்டிங் செய்த இலங்கை அணிக்கு ஆரம்பமே அதிர்ச்சி காத்து இருந்தது. 9.3 ஓவர்களில் அந்த அணி 46 ரன்னுக்குள் 4 விக்கெட்டுகளை இழந்து தடுமாறியது. குணதிலகா 9 ரன்னிலும், டிக்வெல்லா 4 ரன்னிலும், பதும் நிசங்கா 5 ரன்னிலும், பொறுப்பு கேப்டன் ஏஞ்சலோ மேத்யூஸ் 11 ரன்னிலும் அடுத்தடுத்து ஆட்டம் இழந்தனர்.

5-வது விக்கெட்டுக்கு ஆஷென் பந்தரா, தினேஷ் சண்டிமாலுடன் ஜோடி சேர்ந்தார். இருவரும் நிலைத்து நின்று ஆடி அணி அணியை சரிவில் இருந்து மீட்டனர். 20 ஓவர்களில் இலங்கை அணி 4 விக்கெட் இழப்புக்கு 131 ரன்கள் எடுத்தது. தினேஷ் சண்டிமால் 46 பந்துகளில் 3 பவுண்டரியுடன் 54 ரன்னும், ஆஷென் பந்தரா 35 பந்துகளில் 3 பவுண்டரி, 2 சிக்சருடன் 44 ரன்னும் எடுத்து களத்தில் இருந்தனர். வெஸ்ட்இண்டீஸ் அணி தரப்பில் பாபியன் ஆலென், கெவின் சின்கிளைர், ஜாசன் ஹோல்டர், ஒபெட் மெக்கா தலா ஒரு விக்கெட் கைப்பற்றினார்கள்.

பின்னர் 132 ரன்கள் எடுத்தால் வெற்றி என்ற இலக்குடன் ஆடிய வெஸ்ட்இண்டீஸ் அணியின் விக்கெட்டுகள் சீரான இடைவெளியில் சரிந்தாலும், அந்த அணியின் வீரர்கள் அடித்து ஆடினார்கள். சுழற்பந்து வீச்சாளர் அகிலா தனஞ்ஜெயாவின் ஒரு ஓவரில் பாபியன் ஆலென் 3 சிக்சர்கள் பறக்கவிட்டு அணி வெற்றி இலக்கை எட்ட வைத்தார்.

19 ஓவர்களில் வெஸ்ட்இண்டீஸ் அணி 7 விக்கெட்டுக்கு 134 ரன்கள் எடுத்து 3 விக்கெட் வித்தியாசத்தில் வெற்றி பெற்றது. ஜாசன் ஹோல்டர் 14 ரன்னும் (23 பந்து, ஒரு சிக்சர்), பாபியன் ஆலென் 21 ரன்னும் (6 பந்து, 3 சிக்சர்) எடுத்து ஆட்டம் இழக்காமல் இருந்தனர். சிமோன்ஸ் 26 ரன்னிலும், இவின் லீவிஸ் 21 ரன்னிலும், கிறிஸ் கெய்ல் 13 ரன்னிலும் கேப்டன் பொல்லார்ட் ரன் எதுவும் எடுக்காமலும் ஆட்டம் இழந்தனர்.

இலங்கை அணி தரப்பில் லக்‌ஷன் சண்டகன் 3 விக்கெட்டும், டி சில்வா, சமீரா தலா 2 விக்கெட்டும் வீழ்த்தினார்கள். 13 ரன்கள் கொடுத்து ஒரு விக்கெட் வீழ்த்தியதுடன் அதிரடியாக 21 ரன்கள் திரட்டியும் ஆல்-ரவுண்டராக ஜொலித்த வெஸ்ட்இண்டீஸ் வீரர் பாபியன் ஆலென் ஆட்டநாயகன் விருது பெற்றார்.

இந்த வெற்றியின் மூலம் வெஸ்ட்இண்டீஸ் அணி 2-1 என்ற கணக்கில் தொடரை கைப்பற்றியது. முதலாவது ஆட்டத்தில் வெஸ்ட்இண்டீஸ் 4 விக்கெட் வித்தியாசத்திலும், 2-வது ஆட்டத்தில் இலங்கை 43 ரன்கள் வித்தியாசத்திலும் வெற்றி பெற்று இருந்தது.

இதனை அடுத்து இவ்விரு அணிகள் இடையே 3 ஆட்டங்கள் கொண்ட ஒருநாள் கிரிக்கெட் போட்டி தொடர் நடைபெறுகிறது. இதில் முதலாவது ஆட்டம் ஆன்டிகுவாவில் நாளை நடக்கிறது.

சுபீட்சத்தின் நோக்கு” கொள்கை திட்டத்தின்படி, ஒவ்வொரு குடும்பத்திற்கும் சிக்கல் இல்லாத காணி உரிமையை உறுதி செய்வதே தமது நோக்கம் என அரசாங்கம் தெரிவித்துள்ளது. அதன்படி, இத்திட்டத்தில் பெருந்தோட்ட இணைத்துக் கொள்ளப்பட்டுள்ளனரா? என்ற கேள்வி எழுந்துள்ளது.

தெளிவான உரிமையின்றி அரச காணிகளை அனுபவித்து வரும் குடும்பங்களுக்கு உரிமைப் பத்திரங்களை வழங்குதல் ஜனாதிபதி கோட்டாபய ராஜபக்ஷ அவர்களின் தலைமையில் நேற்று (08) முற்பகல் ஜனாதிபதி அலுவலகத்தில் ஆரம்பமானது.

இத்திட்டத்தில் பெருந்தோட்ட மக்களின் காணிப் பிரச்சினைக்குத் தீர்வு கிடைக்குமா? இதுவரையில் மலையகத்தில் தோட்டப்புற மக்களுக்கு பல வீட்டுத் திட்டங்களை அரசாங்கங்கள் அமைத்துக் கொடுத்துள்ள போதிலும் அதற்கு இதுவரையில் உரித்து கொடுக்கப்படவில்லை என்பது குறிப்பிடத்தக்கது.

அமைச்சரவையின் அனுமதியையும் மீறி மூன்று தீவுகளுக்கான திட்டங்களை தம்மிடம் ஒப்படைக்குமாறு இந்தியா கோருவது சிறுபிள்ளைத்தனமானது என கைத்தொழில் அமைச்சர் விமல் வீரவன்ச தெரிவித்துள்ளார். 

இதுதொடர்பில் அவர் மேலும்,

“வடக்கு மாகாணத்திலுள்ள நயினாதீவு, நெடுந்தீவு மற்றும் அனலைதீவு ஆகிய மூன்று தீவுகளையும் இந்தியாவிடம் ஒப்படைக்க அரசு ஒருபோதும் தயாரில்லை. 

அமைச்சரவை வழங்கியுள்ள அனுமதியின் பிரகாரம் குறித்த மூன்று தீவுகளிலும் மீள் புதுப்பிக்கத்தக்க சக்தி திட்டங்கள் முன்னெடுக்கப்படவுள்ளன எனவும் சீன நிறுவனத்துக்கே இந்தத் திட்டங்களை முன்னெடுப்பதற்கு அமைச்சரவையின் அனுமதி கிடைத்துள்ளது எனவும் தெரிவித்தார்.

“ஆணைக்குழுவின் பரிந்துரையில் கூறப்பட்டுள்ள அனைத்து விடயங்களையும் நாம் நடைமுறைப்படுத்த மாட்டோம். அதில் ஒன்றை குறிப்பிட்டுக் கூறுவதென்றால், பெளத்த அமைப்பான பொதுபல சேனா அமைப்பை தடை செய்யக்கோரி ஜனாதிபதி ஆணைக்குழுவினால் விடுத்துள்ள அறிக்கையில் குறிப்பிடப்பட்டுள்ளது. அதில் அவ்வாறு கூறப்பட்டிருப்பினும், பொதுபல சேனா அமைப்பை நாம் தடை செய்ய மாட்டோம்.” அமைச்சர் ஜீ.எல்.பீரிஸ் தெரிவித்துள்ளார்.

பத்தரமுல்லையில் நேற்று (திங்கட்கிழமை) நடைபெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும்போதே அவர் இவ்வாறு குறிப்பிட்டுள்ளார்.

அவர் மேலும் கருத்துத் தெரிவிக்கையில்,

“அறிக்கையில் குறிப்பிடப்பட்டுள்ள இஸ்லாம் போதனைகளை நடத்தும் மத்ரஸா பாடசாலைகள் தொடர்பில் நாம் கவனம் செலுத்துவோம். மேலும் மத்ரசா பாடசாலைகளை, கல்வி அமைச்சின் கீழ் கொண்டுவருவதற்கான முழுமையான அதிகாரம் அரசாங்கத்துக்கும் கல்வி அமைச்சுக்கும் உண்டு.

ஈஸ்டர் தாக்குதல் தொடர்பாக விசாரிப்பதற்காக நியமிக்கப்பட்ட ஜனாதிபதி ஆணைக்குழுவின் பரிந்துரையில் குறிப்பிட்டுள்ள அனைத்து விடயங்களையும் நாம் நடைமுறைப்படுத்த மாட்டோம்.” என தெரிவித்தார்.