பாஸ்கா உயிர்த்த ஞாயிறு தினத்தன்று மேற்கொள்ளப்பட்ட கொடூரமான தாக்குதல் சம்பவம் தொடர்பில் கைது செய்யப்பட்டு தடுப்பக்கவலில் வைக்கப்பட்டிருந்த அலவுதீன் என்பவரின் மகள், கோட்டாபய ராஜபக்ஷ ஜனாதிபதியான உடனடியாக எவ்வாறு விடுவிக்கப்பட்டார் என்பது குறித்தும், இத்தாக்குதல் பற்றிய தகவல்களை அறிந்திருந்த ரஞ்சன் சேனரத் பண்டார என்ற ‘சோனிக் சோனிக்’ குறித்தும் பல முக்கிய தகவல்கள் நேற்று (15) நீதிமன்றத்தில் வெளிப்படுத்தப்பட்டுள்ளன.

அலவுதீன் என்ற தொழிலதிபர் கோட்டாபய ராஜபக்ஷவின் தேர்தல் பிரச்சாரத்திற்கு பெரும் நிதியுதவி வழங்கியிருந்ததாகவும், அவரது மகள் கைது செய்யப்பட்டதன் பின்னர் விடுவிக்கப்பட்டமை மற்றும் அதனைத் தொடர்ந்து பாஸ்கா தாக்குதல் விசாரணைகள் அமுக்கப்பட்ட விதம் குறித்தும் கொழும்பு கோட்டை நீதவான் நீதிமன்றத்தில் சிரேஷ்ட மேலதிக சொலிசிட்டர் ஜெனரல் திலீப பீரிஸினால் மேலும் விவரிக்கப்பட்டது.

இது தொடர்பான மேலதிக விவரங்கள் அடங்கிய காணொளி கீழே இணைக்கப்பட்டுள்ளது:

பொதுமக்களின் வாழ்வாதாரத்தை மேம்படுத்துவதற்காக அரசாங்கத்தினால் முன்னெடுக்கப்பட்டு வரும் திட்டங்களில் வீட்டுத்திட்டங்கள் குறித்து விசேட கவனம் செலுத்தப்பட்டுள்ளது.

‘தித்வா’ புயலினால் சேதமடைந்த வீடுகளை மீண்டும் நிர்மாணிப்பதற்கு புறம்பாக, குறிப்பாக கொழும்புக்கு அருகாமையில் வாழும் மக்களின் வீட்டுப் பிரச்சினையைத் தீர்ப்பதற்காக நடைமுறைப்படுத்தப்படும் வீட்டுத்திட்டங்கள் கட்டம் கட்டமாக மக்களிடம் கையளிக்கப்பட்டு வருகின்றன.

முன்பள்ளிகள், கிராம உத்தியோகத்தர் அலுவலகங்கள் உள்ளிட்ட அடிப்படை வசதிகளுடன் நிர்மாணிக்கப்பட்ட ‘போர்ட் சிட்டி வியூ’ (Port City View) வீடமைப்புத் தொகுதி மக்களிடம் கையளிக்கப்பட்டமை தொடர்பான விவரங்கள் அடங்கிய காணொளி கீழே இணைக்கப்பட்டுள்ளது:

ஸ்ரீலங்கா பொதுஜன பெரமுனவின் அனுராதபுர பேரணி மற்றும் அதனைத் தொடர்ந்து இடம்பெற்ற ஊடகவியலாளர் சந்திப்புகளின் ஊடாக நாமல் ராஜபக்ஷ உள்ளிட்ட ராஜபக்ஷ குடும்பத்தினர் அனைவரும் மிக மோசமான நிர்க்கதி நிலைக்குத் தள்ளப்பட்டுள்ளனர்.

முன்னாள் ஜனாதிபதி மஹிந்த ராஜபக்ஷவை குறித்த மேடையில் ஏற்றியதன் மூலம் ராஜபக்ஷ குடும்பத்திற்கு மேலும் பெரும் பாதிப்பு ஏற்பட்டுள்ளமை தெரியவந்துள்ளது. பேரணி இடம்பெற்று 3 நாட்களுக்குள், அப்பேரணி தொடர்பில் விளக்கமளிப்பதற்காக நடாத்தப்பட்ட ஊடகவியலாளர் சந்திப்புகளில் அளிக்கப்பட்ட விளக்கங்கள் மூலமே இது உறுதிப்படுத்தப்பட்டுள்ளது.

இதனிடையே, குறித்த பேரணியில் வாசிப்பதற்காக நாமல் ராஜபக்ஷவினால் அனுப்பி வைக்கப்பட்டதாகக் கூறப்படும் கடிதம் தொடர்பில் பலரும் சந்தேகங்களை எழுப்பி வருகின்றனர். அத்துடன், அக்கடிதத்தில் குறிப்பிடப்பட்டுள்ள நெல்சன் மண்டேலா தொடர்பில் தேசிய மக்கள் சக்தியின் பாராளுமன்ற உறுப்பினர் வைத்தியர் நஜித் இந்திக விளக்கமளிக்கும் காணொளி கீழே இணைக்கப்பட்டுள்ளது:

மன்னார் மாவட்ட பொது மருத்துவமனையில் திடீர் விபத்து மற்றும் அவசர சிகிச்சைப் பிரிவை நிர்மாணிப்பதற்கான அடிக்கல் நாட்டும் நிகழ்வில் ஜனாதிபதி அநுர குமார திசாநாயக்க இன்று (16) முற்பகல் கலந்துகொண்டார்.

மன்னார் மாவட்ட மக்களுக்கு வழங்கப்படும் சுகாதார சேவைகளையும் வசதிகளையும் மேலும் விரிவுபடுத்தும் நோக்கில், இந்திய அரசின் நிதியுதவியுடன் 600 மில்லியன் ரூபாய் செலவில் இந்த திடீர் விபத்து மற்றும் அவசர சிகிச்சைப் பிரிவு நிர்மாணிக்கப்படவுள்ளது. இந்திய அரசாங்கம் இந்தத் திட்டத்திற்காக 600 மில்லியன் இலங்கை ரூபாய் வரை நன்கொடையாக வழங்குவதற்கு முன்னதாக இணக்கம் தெரிவித்திருந்தது.

அனைத்து நவீன வசதிகளையும் கொண்டதாக அமைக்கப்படவுள்ள இந்தப் பிரிவின் ஊடாக, மன்னார் மக்கள் கொழும்பு உள்ளிட்ட பிரதான நகரங்களுக்கு செல்லாமல், திடீர் விபத்துகளுக்கான அவசர சிகிச்சைகள் உள்ளிட்ட விசேட சுகாதார சேவைகளை தமது மாவட்டத்திலேயே பெற்றுக்கொள்ளும் வாய்ப்பு ஏற்படும்.

நாட்டின் இலவச சுகாதார சேவையை பிரதேச மட்டத்தில் மேலும் வலுப்படுத்துவதற்கான முக்கியமான நடவடிக்கையாக இத்திட்டம் அமைவதாகத் தெரிவித்த ஜனாதிபதி, இதற்குப் பங்களிப்பு வழங்கிய இந்தியப் பிரதமர் உள்ளிட்ட இந்திய அரசாங்கத்திற்கும் ஏனைய அனைத்துத் தரப்பினருக்கும் நன்றி தெரிவித்தார்.

விளக்கமறியலில் வைக்கப்பட்டுள்ள ஸ்ரீலங்கா பொதுஜன பெரமுனவின் தேசிய அமைப்பாளரும் பாராளுமன்ற உறுப்பினருமான நாமல் ராஜபக்ஷ இன்று (16) கொழும்பு கோட்டை நீதவான் நீதிமன்றத்தில் முன்னிலைப்படுத்தப்படவுள்ளார்.

ஸ்ரீலங்கன் ஏர்லைன்ஸ் நிறுவனத்திற்காக விமானங்கள் கொள்முதல் செய்யப்பட்ட ක්‍රියාවලியில் இடம்பெற்றதாகக் கூறப்படும் நிதி முறைகேடுகள் தொடர்பான பணச்சலவை வழக்கில், நாமல் ராஜபக்ஷ சந்தேகநபராக பெயரிடப்பட்டுள்ளதாக சட்டமா அதிபர் திணைக்களம் கடந்த 14ஆம் திகதி கோட்டை நீதவான் பசந்த அமரசேனவிடம் அறிவித்திருந்தது.

இதனைத் தொடர்ந்து, நீதவான் சிறைச்சாலை அதிகாரிகளுக்கு பிறப்பித்த உத்தரவுக்கு அமைவாகவே அவர் இன்று நீதிமன்றத்தில் முன்னிலைப்படுத்தப்படவுள்ளார்.

ஏர்பஸ் (Airbus) கொடுக்கல் வாங்கல் தொடர்பான லஞ்சம் பெற்ற குற்றச்சாட்டின் பேரில், லஞ்ச ஊழல் விசாரணை ஆணைக்குழுவினால் நாமல் ராஜபக்ஷ கைது செய்யப்பட்டு, கொழும்பு பிரதான நீதவான் நீதிமன்றத்தில் முன்னிலைப்படுத்தப்பட்ட பின்னர் வரும் 18ஆம் திகதி வரை விளக்கமறியலில் வைக்க உத்தரவிடப்பட்டிருந்தமை குறிப்பிடத்தக்கது.

பேருவளை பிரதேச சபையின் முன்னாள் தவிசாளர் பிரசன்ன சஞ்சீவ இலஞ்ச அல்லது ஊழல் பற்றிய சாட்டச்சாட்டுகளை புலனாய்வு செய்யும் ஆணைக்குழுவினால் கைது செய்யப்பட்டுள்ளார்.

அரசின் முறையான நடைமுறைகளைப் பின்பற்றாமல் செயற்பட்டு, வேறொரு தரப்பினருக்குப் பயனளிக்கும் வகையில் செயற்பட்டதன் மூலம் அரசுக்கு 40 இலட்சம் ரூபாவிற்கும் அதிக நஷ்டத்தை ஏற்படுத்தி ஊழல் புரிந்த குற்றச்சாட்டிலேயே இவர் கைது செய்யப்பட்டுள்ளார்.

சந்தேகநபர் இன்று (15) கொழும்பு நீதவான் நீதிமன்றத்தில் முன்னிலைப்படுத்தப்படவுள்ளார்.

விமானப்படையின் முன்னாள் தளபதியான எயார் சீப் மார்ஷல் டொனால்ட் பெரேரா, பொலிஸ் நிதி குற்றப் புலனாய்வுப் பிரிவுக்கு (FCID) அழைக்கப்பட்டு அவரிடம் வாக்குமூலம் பதிவு செய்யப்பட்டுள்ளது.

மிக் (MiG) ரக போர் விமானக் கொள்முதல் தொடர்பான விசாரணைகளுக்கு அமைவாகவே இந்நடவடிக்கை எடுக்கப்பட்டுள்ளது.

இதற்கு முன்னர், முன்னாள் ஜனாதிபதி கோட்டாபய ராஜபக்ஷ மற்றும் முன்னாள் விமானப்படை தளபதி மார்ஷல் ஒஃப் த எயார்ஃபோர்ஸ் ரொஷான் குணதிலக்க ஆகிய இருவரும் குறித்த கொடுக்கல்வாங்கல் தொடர்பில் வாக்குமூலம் வழங்குவதற்காக பெறப்பட்ட அழைப்புக்கு அமைய பொலிஸ் நிதி குற்றப் புலனாய்வுப் பிரிவில் முன்னிலையாகியிருந்தமை குறிப்பிடத்தக்கது.

கடந்த ஜனாதிபதித் தேர்தல் காலத்தில் உயிர்த்த ஞாயிறு பயங்கரவாதத் தாக்குதல் சம்பவம் தொடர்பான முறைப்பாடொன்றுக்கு அமைவாக, பொதுப் பாதுகாப்பு அமைச்சின் செயலாளர் ரவி செனவிரத்ன மற்றும் குற்றப்புலனாய்வுத் திணைக்களத்தின் சிரேஷ்ட பிரதிப் பொலிஸ் மா அதிபர் ஷானி அபேசேகர ஆகியோருக்கு எதிராக மேற்கொள்ளப்பட்ட விசாரணைகள் மூலம் முன்னாள் பொலிஸ் மா அதிபர் தேசபந்து தென்னகோன் உள்ளிட்ட மூவர் அவர்களின் அடிப்படை உரிமைகளை மீறியுள்ளதாக உயர் நீதிமன்றம் தீர்ப்பளித்துள்ளது.

இதற்கமைய, குறித்த முறைப்பாட்டைச் சமர்ப்பித்த ஓய்வுபெற்ற பிரதிப் பொலிஸ் மா அதிபர் பாலித சிறிவர்தன ரூபா 50,000 வீதமும், அக் குற்றப்புலனாய்வுத் திணைக்களத்தின் அப்போதைய பிரதான பொலிஸ் பரிசோதகர் இந்துக்க டி சில்வா ரூபா 10,000 வீதமும் மனுதாரர்களான ஷானி அபேசேகர மற்றும் ரவி செனவிரத்ன ஆகியோருக்கு நஷ்டஈடாக வழங்க வேண்டும் என உயர் நீதிமன்றம் உத்தரவிட்டுள்ளது.

உயிர்த்த ஞாயிறு தாக்குதல் விசாரணைகள் தொடர்பில் தம்மை சட்டவிரோதமாகக் கைது செய்வதைத் தடுக்கும் உத்தரவொன்றைப் பிறப்பிக்குமாறு கோரி, கடந்த ஜனாதிபதித் தேர்தல் காலத்தில் ஷானி அபேசேகர மற்றும் ரவி செனவிரத்ன ஆகியோரால் தாக்கல் செய்யப்பட்ட அடிப்படை உரிமை மனுவை விசாரணை செய்த பின்னரே உயர் நீதிமன்றம் இந்தத் தீர்ப்பை வழங்கியுள்ளது.