පාස්කු ප්‍රහාරය ගැන විමර්ශන කෙරෙනෙ ත්‍රිපුද්ගල කමිටුව විශේෂ කාරක සභාව හමුවට

පාස්කු ප්‍රහාරය ගැන විමර්ශන කෙරෙනෙ ත්‍රිපුද්ගල කමිටුව විශේෂ කාරක සභාව හමුවට

පාස්කු දින ප්‍රහාරය සම්බන්ධව විමර්ශනය කිරීමට ජනාධිපතිවරයා විසින් පත්කල ත්‍රිපුද්ගල කමිටුව අද(20) පාර්ලිමේන්තු විශේෂ තේරීම් කාරක සභාව හමුවේ පෙනී සිටීමට නියමිතය.

පාස්කු දින ප්‍රහාරය සම්බන්ධව විමර්ශනය කර පාර්ලිමේන්තුවට වාර්තා කිරීමට පත්කර ඇති විශේෂ පාර්ලිමේන්තු තේරීම් කාරක සභාව හමුවේ පෙනී සිටින ලෙස, එම ප්‍රහාරය සම්බන්ධව විමර්ශනය කිරීමට ජනාධිපතිවරයා විසින් පත්කළ ත්‍රිපුද්ගල කමිටුවේ සාමාජිකයන් කැඳවා තිබිණි.

එම ත්‍රිපුද්ගල කමිටුවේ සාමාජිකයක් වන ශ්‍රේෂ්ඨාධිකරණ විනිසුරු විජිත් මළල්ගොඩ, හිටපු පොලිස්පති එන්.කේ.ඉලංගකෝන් සහ නීතිය හා සාමය පිළිබඳ අමාත්‍යාංශයේ හිටපු ලේකම් පද්මසිරි ජයමාන්න යන මහත්වරුන් මේ අනුව සාක්ෂි ලබාදීමට නියමිතය.

එන්.කේ.ඉලංගකෝන් මහතා සහ පද්මසිරි ජයමාන්න මහතා මීට ඉහත අවස්ථාවක ද පාර්ලිමේන්තු විශේෂ කාරක සභාව හමුවේ පෙනී සිට සාක්ෂි ලබාදී තිබේ.

කාරක සභා සභාපති නියෝජ්‍ය කතානායක ආනන්ද කුමාරසිරි මහතාගේ ප්‍රධානත්වයෙන් අද පස්වරු 2.00ට පාර්ලිමේන්තු සංකීර්ණයේදී විශේෂ කාරක සභාව රැස්වේ.

Facebook
Twitter
LinkedIn