உயிர்த்த ஞாயிறு தாக்குதலுக்குப் பொறுப்பு கூற வேண்டியவர்களுக்கு எதிராக இந்நாட்டு சட்டம் உரிய முறையில் செயற்படுத்தப்படவில்லை என்றால் சர்வதேச நீதிமன்றத்திற்கு செல்லவுள்ளதாக பேராயர் மெல்கம் கர்தினால் ரஞ்சித் ஆண்டகை தெரிவித்துள்ளார்.

இன்று (11) பேராயர் இல்லத்தில் இடம்பெற்ற ஊடக சந்திப்பில் கலந்து கொண்டு அவர் இதனை தெரிவித்தார்.

அங்கு தொடர்ந்தும் கருத்து தெரிவித்த பேராயர்,

“உயிர்த்த ஞாயிறு தாக்குதல் குறித்து விசாரணை செய்த ஜனாதிபதி ஆணைக்குழுவின் இறுதி அறிக்கையின் பிரதியொன்றை தான் ஜனாதிபதியிடம் கோரியிருந்த போதிலும் இதுவரை கிடைக்கவில்லை.

சில விடயங்கள் தொடர்பில் உண்மை தன்மையை நாம் அறிந்து கொள்ள வேண்டும். அதன் காரணமாக எமக்கு இதனை பார்த்துக் கொண்டிருக்க முடியாது. விரைவில் குறித்த பிரதிகளை அனுப்பி வைக்க நடவடிக்கை எடுக்கவும். அப்பொழுது எமக்கு பிரச்சினைக்கு தீர்வினை பெற்றுக் கொள்ள முடியும்.” என்றார்.

உயிர்த்த ஞாயிறு தாக்குதல் பற்றி ஆராய்வதற்கு ஜனாதிபதி மைத்திரிபால சிறிசேனவினால் நியமிக்கப்பட்ட ஆணைக்குழுவின் இறுதி அறிக்கை கடந்த பெப்ரவரி முதலாம் திகதி ஜனாதிபதி கோட்டாபய ராஜபக்சவிடம் கையளிக்கப்பட்டது. ஆனால், அவ்வறிக்கையை சட்ட நடவடிக்கைகளை மேற்கொள்ளும் நிர்வாகத்திடமோ அல்லது பொதுமக்களிடமோ வெளிப்படுத்துவதற்கான எந்தவொரு நடவடிக்கையையும் அரசாங்கம் முன்னெடுக்கவில்லை.

கடந்த தினத்தில் பொலிஸ்மா அதிபரிடம் சட்டமா அதிபர் கடிதமொன்றைக் கொடுத்தனுப்பி, ஈஸ்ட்டர் தாக்குதல் சம்பந்தமாக முன்னெடுக்கப்படவிருக்கும் ஆராய்வு அலுவல்களுக்காக குறித்த அறிக்கையை ஜனாதிபதி செயலாளர் அலுவலகத்தில் பெற்றுக்கொள்ளுமாறு கூறியிருந்தார்.

குறித்த அறிக்கையை ஜனாதிபதி கோட்டாபய ராஜபக்ச பெற்றுக்கொண்ட பின்னர் இரண்டு அமைச்சரவை கூட்டங்களை நடத்தியபோதிலும், அதில் அறிக்கை குறித்து எந்தவித கலந்துரையாடலும் இடம்பெறவில்லை. அறிக்கை குறித்து கலந்துரையாட விசேட அமைச்சரவை கூட்டம் கூடும் என்று அறிவிக்கப்பட்டபோதும், இதுவரையில் அது மேற்கொள்ளப்படவில்லை.

ஈஸ்டர் தாக்குதல் அறிக்கையை பாராளுமன்றத்தில் சமர்ப்பிக்குமாறு கடந்த 08ஆம் திகதி இடம்பெற்ற கட்சித் தலைவர்கள் கூட்டத்தில் கட்சித் தலைவர்கள் கேட்டுக்கொண்டபோதிலும், அரசாங்கம் அதைச் செயற்படுத்தவில்லை. அதேநேரம், மெல்கம் கார்த்தினால் ரஞ்சித் ஆண்டகை குறித்த அறிக்கையின் பிரதி ஒன்றைத் தனக்கு தருமாறு கேட்டுக்கொண்டபோதிலும் அதுவும் வழங்கப்படவில்லை.

250 உயிர்களைக் காவுகொண்ட இந்த தற்கொலை குண்டுத்தாக்குதல் தொடர்பில் ஆராய்ந்த ஜனாதிபதி ஆணைக்குழுவின் அறிக்கையை பொலிஸ்மா அதிபரிடமும், சட்டமா அதிபரிடமும், நாடாளுமன்றத்திற்கும், சட்டசபைக்கும், ஆண்டகையிடமும் மற்றும் மக்களிடமும் வழங்க அரசாங்கம் இவ்வாறு தாமதிப்பது ஏன்? எதனால்?

மீண்டும் பங்குச் சந்தையை பாரிய டீல்காரர்கள் கைபற்றியிருப்பதாக மக்கள் விடுதலை முன்னணியின் தலைவர் அனுர குமார திசாநாயக்க 2021.02.12 கொழும்பில் நடைபெற்ற ஊடக மாநாட்டில் தெரிவித்தார்.

முன்னாள் வங்கித் தலைவரும் தற்போதைய பாராளுமன்ற உறுப்பினருமான அஜிட் நிவாட் கப்ராலின் வழமையான சூதாட்டம் பங்குச் சந்தையில் நடைபெறுவதாக அவர் குறிப்பிட்டார்.

“இற்றைக்கு ஒரு வாரத்துக்கு முன்னர் முதலாம் இடத்தில் இருந்த பங்குச் சந்தையை நடத்த முடியாமல் மூடும் நிலை ஏற்பட்டது எவ்வாறு? ஆயின் உண்மையான நிலை இன்றா, அல்லது நேற்றா?இங்கு நடைபெறுவது என்னவென்றால், அரசாங்கம் தலையிட்டு செயற்கை தன்மையொன்றை உருவாக்குகின்றது. தற்போது நடைபெற்றுக்கொண்டிருப்பது தாங்க முடியாத அந்த செயற்கை தன்மை வெடித்துச் சிதறுவது.

அதனால் நாங்கள் அரசாங்கத்திடம் கூறுவது என்னவென்றால் புள்ளி விவரங்களை மூடி மறைத்தல், புள்ளி விவரங்களில் செய்யும் சித்து விளையாட்டுக்கள் மூலம் பொருளாதாரத்தை கட்டியெழுப்ப முடியாது. பங்குச் சந்தையில் இருந்து கிடைக்கும் செய்தி யதார்த்த நிலைக்கு வாருங்கள் என்பதாகும்.

இதனால் நஷ்டம் ஏற்பட்டது பாரிய டீல்காரர்களுக்கு அல்ல. ஊழியர் சேமலாப நிதியை எடுத்து, அல்லது காணியொன்றை விற்று பணத்தைப் பெற்று வங்கியில் வட்டி குறைவு என்பதால் பங்குச் சந்தையில் முதலீடு செய்த சிறியவர்களுக்கு இந்த ஊதலில் சிக்கிக்கொண்டதால் சிறிய அளவில் பங்குச் சந்தையுடன் தொடர்புபட்டவர்களின் பணம் இழந்துபோயுள்ளது.

எனவே, அரசாங்கம் செயற்கையாக உருவாக்கும் குமிழிகளின் இரையாக வேண்டாம் என மக்களிடம் கேட்டுக்கொள்கின்றோம்” என்றும் அனுர குமார திசாநாயக்க தெரிவித்தார்.

நாட்டில் மேலும் 940 பேர் கொரோனா தொற்றாளர்களாக நேற்றைய தினம் அடையாளம் காணப்பட்டுள்ளதாக அர சாங்கத் தகவல் திணைக்களம் தெரிவித்துள்ளது.

இதில் 632 பேர் திவுலபிட்டிய – பேலியகொட கொத்தணி யில் நெருங்கிய தொடர்பு கொண்டவர்கள் என தெரிய வந்துள்ளது.

அத்துடன் 04 பேர் சிறைச்சாலை கொத்தணியில் நெருங் கிய தொடர்பு கொண்டவர்கள் என அடையாளம் காணப் பட்டுள்ளனர்.

வெளிநாட்டிலிருந்து வருகை தந்த 04 பேர் கொரோனா தொற்றாளர்களாக அடையாளம் காணப்பட்டுள்ளனர்.

அதன்படி, இலங்கையில் கொரோனா தொற்றாளர்களின் மொத்த எண்ணிக்கை 74 ஆயிரத்து 56 ஆக உயர்ந்துள்ளது.

வவுனியா நகரசபையானது தொழிலாளர்களுக்கு எதிராக மேற்கொள்ளப்படும் அநீதியான நடவடிக்கைகளைக் கண்டித்தும் நீதிகோரியும் இன்று (12) புதிய அரச பொது ஊழியர் சங்கத்தினால் போராட்டம் முன்னெடுக்கப்படுகிறது.

இப்போராட்டத்தில், ” நகரசபைத் தலைவரே! தொழிலாளர்களை சாதி சொல்லித் திட்டுவது சரியா?”, “தொழிலாளர்களின் சம்பளத்தை மீளாய்வு செய்”, ” நகரசபை நிர்வாகமே ஒப்பந்த தொழிலாளர்களை நிரந்தரம் ஆக்கு”, “மாதாந்தம் ஒவ்வொரு ஊழியரும் 3000/=, 4000/=, 5000/= என இழந்து வருகிறார்கள். இது சரியா?”, “நகரசபை நிர்வாகமே !பாதிக்கப்பட்ட தொழிலாளர்களுக்கு நீதி வழங்கு” என்ற பல கோஷங்களை முன்னிறுத்தி பதாகைகளை ஏந்தியவாறு போராட்டம் செய்கின்றனர்.