நேற்றைய தினம் இலங்கையில் அடையாளம் காணப்பட்ட கொவிட் – 19 தொற்றுக்குள்ளான 352 பேரில், பெரும்பாலான 112 பேர் கொழும்பு மாவட்டத்தில் இருந்து பதிவாகியுள்ளதாக கொவிட் – 19 தொற்று பரவலை தடுக்கும் தேசிய செயற்பாட்டு மையம் தெரிவித்துள்ளது.
கம்பஹாவில் இருந்து 57 பேரும், இரத்தினபுரியில் இருந்து 50 பேரும், நுவரெலியாவைச் சேர்ந்த 25 பேரும், காலியைச் சேர்ந்த 24 பேரும், கண்டியைச் சேர்ந்த 18 பேரும், களுத்துறையை சேர்ந்த 16 பேரும், பதுளையிலிருந்து 14 பேரும், மாத்தளையிலிருந்து 07 பேரும், கேகாலையிலிருந்து 06 பேரும், அனுராதபுரம் மாவட்டத்தில் இருந்து 04 பேரும் நேற்றைய தினம் பாதிக்கப்பட்டுள்ளதாக தெரிவிக்கப்பட்டுள்ளது.
அம்பாறை, ஹம்பந்தோட்டை, கிளிநொச்சி மற்றும் மட்டக்களப்பு மாவட்டங்களில் இருந்து தலா இரண்டு கொவிட் தொற்றாளர்களும் பதிவாகியுள்ளனர்.
பொலன்னறுவை மாவட்டத்தில் இருந்து ஒருவரும் மற்றும் வெளிநாட்டினர் இருவருக்கும் நேற்றைய தினம் கொரோனா தொற்று ஏற்பட்டுள்ளதாக தெரிவிக்கப்பட்டுள்ளது.
