இலங்கையை உலக நாடுகளுக்கு முன்பாக ஒரு மிலேச்ச நாடாக அடையாளப்படுத்தக் காரணமாக அமைந்த 1983 கறுப்பு ஜூலை குறித்து கடந்த வாரம் நாடாளுமன்றத்தில் விவாதம் ஒன்று நடைபெற்றதுடன், முன்னாள் பிரதம நீதியரசர் சரத் நந்த சில்வா நீதித்துறை குறித்து திரிவுபடுத்தப்பட்ட விளக்கங்களை அளித்து மீண்டும் களத்திற்கு வந்துள்ளார்.
மஹிந்த ராஜபக்சவுக்கு எதிராக குற்றச்சாட்டுகள் சுமத்தப்பட்ட ‘ஹெல்ப்பின் ஹம்பாந்தோட்டை’ நிதி மோசடி தொடர்பில் சிறைத்தண்டனை விதிக்கப்பட்டிருக்க வேண்டும் என்றும், அவ்வாறு செய்யாமை குறித்து தேசத்திடம் மன்னிப்புக் கோருவதாகவும் சரத் நந்த சில்வா 2014 ஆம் ஆண்டின் இறுதியில் பகிரங்கமாகத் தெரிவித்திருந்தார். இவ்வாறான பின்னணியில், கலபொட அத்தே ஞானசார தேரருக்கு நீதிமன்றம் தண்டனை வழங்கியது தொடர்பில் வேறுபட்ட திரிவுபடுத்தப்பட்ட விளக்கங்களை வழங்குவதற்கு சரத் நந்த சில்வா முன்வந்துள்ளார்.
கறுப்பு ஜூலை தொடர்பாக நடைபெற்ற நாடாளுமன்ற விவாதத்தின்போது பல விடயங்கள் முன்வைக்கப்பட்டன. அத்தோடு, அந்த அழிவை மையமாகக் கொண்டு தயாரிக்கப்பட்ட டெலிநாடகம் மற்றும் ‘சருங்களய’ (பட்டாம்பூச்சி/காத்தாடி) திரைப்படத்தின் காணொளிப் பகுதி கீழே தரப்பட்டுள்ளது.
