ஐக்கிய மக்கள் சக்தி உள்ளிட்ட குழுவினர் நடத்திய போராட்டத்திற்கு இடமளிக்கும் வகையில், பொலிஸாரின் வீதித் தடைகள் நீக்கப்பட்டு நாடாளுமன்றப் பிரவேச வீதி திறக்கப்பட்டதைத் தொடர்ந்து, போராட்ட ஏற்பாட்டாளர்கள் செய்வதறியாது திணறும் நிலை ஏற்பட்டது.
பொல்தூவ சந்தியிலிருந்து நாடாளுமன்றப் பிரவேச வீதிக்குள் நுழைவதைத் தடுப்பதற்காக இவ்வாறான போராட்டங்களின் போது பொலிஸாரால் வீதித் தடைகள் ஏற்படுத்தப்படுவது வழமையாகும். நேற்று (24) இடம்பெற்ற போராட்டத்தின் போதும் அந்த வீதித் தடைகள் அமைக்கப்பட்டிருந்தன. இருப்பினும், போராட்டக்காரர்கள் அருகில் வந்ததும் அந்த வீதித் தடைகள் பொலிஸாரால் அகற்றப்பட்டன.
இதன் மூலம் ஐக்கிய மக்கள் சக்தியின் ஆதரவாளர்கள் நாடாளுமன்றத்தை நோக்கி சுதந்திரமாகச் செல்வதற்குச் சந்தர்ப்பம் கிடைத்த போதிலும், முஜீபுர் ரஹ்மான், அஜித் பி. பெரேரா உள்ளிட்ட நாடாளுமன்ற உறுப்பினர்கள் குழுவினர் அவர்களைத் தடுத்து நிறுத்துவதற்குக் கடுமையான முயற்சிகளை மேற்கொள்வதைக் காணக்கூடியதாக இருந்தது.
இப்போராட்டம் முற்றாகத் தோல்வியடைந்த விதம் மற்றும் இதில் கலந்துகொண்டவர்களின் கருத்துக்கள் அடங்கிய வீடியோ கீழே தரப்பட்டுள்ளது.