இலங்கைக்கு அந்நிய செலவாணிய ஈட்டித்தந்து பொருளாதாரத்திற்கு தூணாக இருக்கும் மத்தியக் கிழக்கு நாடுகளில் பணிபுரியும் இலங்கையர்களை எதிர்வரும் தமிழ் – சிங்கள புத்தாண்டிற்கு முன்பதாக இலங்கைக்கு அழைத்துவருமாறு மக்கள் விடுதலை முன்னணியின் அரசியல் குழு உறுப்பினர் மகிந்த சமரசிங்க அரசாங்கத்திடம் கோரிக்கை முன்வைத்துள்ளார்.
அவர்களை நாட்டுக்கு அழைத்து வருவதற்காக தேசிய விமான சேவையை பயன்படுத்த முடியும் எனவும் சுட்டிக்காட்டினார்.
இதேவேளை, வெளிநாட்டு தூதுவர் காரியாலயங்களில் சேவையாற்றிய தேசிய நலன்புரி அதிகாரிகளை நாட்டுக்கு அழைத்ததன் காரணமாக வெளிநாடுகளில் பணிபுரியும் இலங்கையர்கள் பல்வேறுப்பட்ட இன்னல்களுக்கு முகங்கொடுத்துள்ளதாக அனுமதிபத்திரம் உடைய வெளிநாட்டு வேலைவாய்ப்பு முகவர் நிறுவன சங்கம் தெரிவித்துள்ளது.
வெளிநாடுகளுக்கு சென்றுள்ள இலங்கையர்களை மீள நாட்டுக்கு அழைக்கும் செயற்பாட்டிற்கு தொழில் அமைச்சர் இடையூறு ஏற்படுத்தி வருவதாக அந்த சங்கத்தின் செயலாளர் எம்.எஸ்.எம் ஹர்சாட் தெரிவித்துள்ளார்.
