கொழும்பு: ஸ்ரீலங்காவாழ மனிதர்களை அனுதாபத்துடனும் நவீன உலகத்துடன் முன்னோக்கிச் செல்லக்கூடியவர்களாகவும் மாற்றுவதற்காக, உலக இலக்கியத்தின் மூன்று பெரும் தூண்களை அடிப்படையாகக் கொண்டு புதிய கலாச்சார மறுமலர்ச்சிக்கு வித்திடப்பட்டுள்ளது.
ஜனாதிபதி அநுர குமார திசாநாயக்கவின் வழிகாட்டலில், புத்தசாசன மற்றும் கலாச்சார அலுவல்கள் அமைச்சர் கலாநிதி ஹினியதும சுனில் செனவி இணைந்து இந்த புதிய “கலாச்சார முக்கோணத்தை” (Cultural Triangle) நடைமுறைப்படுத்த திட்டமிட்டுள்ளனர்.
ரஷ்ய இலக்கியத்தின் மாபெரும் தூணான லியோ டால்ஸ்டாய் (Leo Tolstoy), இந்திய இலக்கியத்தின் மகத்தான ஆளுமையான ரவீந்திரநாத் தாகூர் (Rabindranath Tagore) மற்றும் இலங்கை இலக்கியத்தின் பெருமைமிக்க அடையாளமான மார்ட்டின் விக்கிரமசிங்க (Martin Wickramasinghe) ஆகிய மூவரையும் அடிப்படையாகக் கொண்டே இந்த கலாச்சார முக்கோணம் உருவாக்கப்படவுள்ளது.
“வளமான நாடு – அழகான வாழ்க்கை” என்ற கொள்கையின் அடிப்படையில் இந்த பிரம்மாண்டமான சமூக-கலாச்சார வாழ்க்கை மாற்றத்திற்கான ஆரம்பம் குறிக்கப்பட்டுள்ளது. யூடியூப் தளத்திற்கு அளித்த நேர்காணல் ஒன்றின் போது அமைச்சர் சுனில் செனவி இத்தகவல்களை வெளிப்படுத்தியுள்ளார்.
