இலங்கை பெற்றோலியக் கூட்டுத்தாபனத்தின் இம்முறை விலைத் திருத்தத்தின்படி பெட்ரோல் விலை குறைக்கப்பட்டுள்ளது.
அதன்படி, நேற்று (30) நள்ளிரவு முதல் அமுலுக்கு வரும் வகையில் ஒக்டேன் 92 பெட்ரோல் லீற்றருக்கு 15 ரூபாயும், ஒக்டேன் 95 பெட்ரோல் லீற்றருக்கு 20 ரூபாயும் குறைக்கப்பட்டுள்ளது.
இதன்படி, தற்போது 414 ரூபாயாக உள்ள ஒக்டேன் 92 பெட்ரோல் லீற்றரின் புதிய விலை 399 ரூபாயாகவும், 495 ரூபாயாக உள்ள ஒக்டேன் 95 பெட்ரோல் லீற்றரின் புதிய விலை 475 ரூபாயாகவும் குறைக்கப்பட்டுள்ளது.
எனினும், சாதாரண டீசல் லீற்றர் 382 ரூபாய், சூப்பர் டீசல் லீற்றர் 478 ரூபாய் மற்றும் மண்ணெண்ணெய் லீற்றர் 285 ரூபாய் என்ற விலையில் எவ்வித மாற்றமும் செய்யப்படவில்லை.
