உயிர்த்த ஞாயிறு தாக்குல்தாரிகளை சட்டத்தின் முன் கொண்டுவருவதற்கான செயற்பாங்கு தொடர்பில் அரசாங்கம் கடைப்பிடிக்கின்ற நடைமுறைக்கு எதிர்ப்பு தெரிவித்து கறுப்பு ஞாயிறு தினத்துடன் இணைந்துகொண்ட கர்த்தினால் மல்கம் ரஞ்சித் ஆண்டகையவர்கள் விசேட கூற்று ஒன்றினை வெளியிட்டு இந்த தாக்குதலில் குற்றஞ்சுமத்தப்பட்டவர்களை சட்டத்தின் முன் கொண்டுவருவதற்காக அரசாங்கம் இதனைவிட நேர்மையாகவும் அர்ப்பணிப்புடனும் செயலாற்றவேண்டுமென்பதை வலியுறுத்தினார்.

நேற்று (07) நாடு பூராவிலும் உள்ள தேவாலயங்களில் நடாத்தப்பட்ட கறுப்பு ஞாயிறு எதிர்ப்பினை அடுத்த ஞாயிறு தொடக்கம் தொடர்ச்சியாக அமுலாக்குவதாகவும் அவர் மேலும் தெரிவித்தார்.

அடுத்த ஏப்பிறல் 21 ஆந் திகதிக்கு முன்னராகஇந்த தாக்குதலால் பாதிக்கப்பட்டவர்களுக்கு நீதி கிடைக்கத்தக்கவகையில் அரசாங்கம் நடவடிக்கை எடுக்காவிட்டால் அதன் பின்னர் கடுமையான நடவடிக்கைகளை மேற்கொள்ள நேரிடுமெனவும் அதன்போது கத்தோலிக்க அருட்தந்தைமார்கள்தெரிவித்தார்கள்.

இந்த தாக்குதலின் உண்மையான ஆரம்பகர்த்தாக்கள் யார் என்பதை நாட்டுக்கு வெளிப்படுத்த வேண்டுமென்பது கறுப்பு ஞாயிறு எதிர்ப்பாளிகளின் அடிப்படை கோரிக்கையாக அமைகின்றது. அத்துடன் அவர்களுக்கு எதிராக எடுக்கக்கூடிய அனைத்து சட்டநடவடிக்கைளையும் தாமதமின்றி எடுக்குமாறு அரசாங்கத்திற்கு அழுத்தம் கொடுக்கப்படுகின்றது.அதேவேளையில் சனாதிபதி கடந்த 06 ஆந் திகதி ஊருடன் உரையாடல் (கம சமங்க பிலிசந்தர) பிரச்சார நிகழ்ச்சியில் கலந்துகொண்டு தான் எவ்விதத்திலும் உயிர்த்த ஞாயிறு தாக்குதலை விற்று அதிகாரத்திற்கு வரவில்லை எனக் கூறினார்.

இலஞ்சம் அல்லது ஊழல் ஆணைக்குழுவிற்கு 2019 ஆம் ஆண்டில் 3305 முறைப்பாடுகள் கிடைத்துள்ளதாக தகவல்கள் வெளியாகி உள்ளன.

அதில் மிக அதிகமான எண்ணிக்கையாக 1452 முறைப்பாடுகள் பல்வேறு ஊழல்கள் சம்பந்தமாக கிடைத்தவையாகும்.

இலஞ்சம் வாங்குதல் சம்பந்தமாக 483 முறைப்பாடுகள் கிடைத்துள்ளன. மேலும் பலதரப்பட்ட 1210 முறைப்பாடுகள் கிடைத்துள்ளன. இவற்றில் 264 முறைப்பாடுகள் புலனாய்வு செய்யப்படுவதில்லை என்பதோடு 946 சம்பந்தமாக மேலதிக புலனாய்வுக்காக சம்பந்தப்பட்ட நிறுவனங்களிடம் ஒப்படைக்கப்பட்டுள்ளன. அதைப்போலவே இலஞ்சம் அல்லது ஊழல் சம்பந்தமான சுற்றிவளைப்புகள் மூலமாக 75 பேர் கைதுசெய்யப்பட்டு சட்டத்தின் முன் நிறுத்தப்பட்டுள்ளார்.

ஐக்கிய நாடுகளின் மனித உரிமைகள் ஆணைக்குழுவிற்கு இதற்கு முன்னர் சமர்ப்பித்திருந்த இலங்கையின் மனித உரிமை மீறல்கள் சம்பந்தமான விடயங்களை உள்ளடக்கிய பிரேரணை திருத்தியமைக்கப்பட்ட பின்னர் பெரிய பிரித்தானியாவினால் அது இன்று மீண்டும் சமர்ப்பிக்கப்பட உள்ளது.

இந்த பிரேரணை முன்வைக்கப்பட்ட பின்னர் அது பற்றிய உரையாடலை மீண்டும் ஆரம்பிக்க திட்டமிடப்பட்டுள்ளது. மனித உரிமைகள் ஆணைக்குழுவின் 46 வது கூட்டத்தொடர் கடந்த பெப்புருவரி மாதத்தில் தொடங்கிய பின்னர் அந்தபிரேரணைக்கு சார்பாக இற்றைவரை 38 நாடுகள் விடயங்களை முன்வைத்துள்ளதோடு பிரேரணைக்கு எதிரான நிலைப்பாட்டில் இருந்துகொண்டு 31 நாடுகள் மாத்திரமே விடயங்களை முன்வைத்துள்ளன.இன்றளவில் அயல்நாடான இந்தியாவின் ஒத்துழைப்பு இலங்கைகக்கு கிடைக்கமாட்டாதென்பது உறுதியாகி உள்ளது.

எனினும் இந்தியாவுடன் சேர்ந்து ஜப்பான், அவுஸ்திரேலியா உள்ளிட்ட ஒருசில நாடுகள் வாக்களிப்பிலிருந்து விலகிநிற்க இடமுள்ளதென சர்வதேச பகுப்பாய்வாளர்கள் சுட்டிக்காட்டி உள்ளார்கள். ஏற்கெனவே உலகில் நிலவுகின்ற அமெரிக்கா மற்றும் சீனாவை முதன்மையாக்கொண்ட அதிகாரப் போட்டியின் மத்தியில் அமெரிக்காவின் உதவிக்காக இந்தியா, ஜப்பான் மற்றும் அவுஸ்திரேலியா என்பவை கூட்டான பாதுகாப்பு அமைப்பொன்றையும் உருவாக்கியுள்ளன.

உயிர்த் ஞாயிறு தினத்தன்று நடாத்தப்பட்ட இஸ்லாமிய தீவிரவாத தாக்குதலை விற்று அதிகாரத்தைப் பெறவில்லையென சனாதிபதி குருணாகல் கிரிபாவயில் நடைபெற்ற ”கம சமங்க பிலிசந்தர – ஊருடன் உரையாடல்” பிரச்சார இயக்கத்தின்போதுகூறினார்.

இந்த சந்திப்பின்போது சனாதிபதி “ஒரு சிலர் கூறுகிறார்கள் நாங்கள் உயிர்த்த ஞாயிறு தாக்குதலை விற்று அதிகாரத்திற்கு வந்தோம் என்று. நாங்கள் உயிர்த்த ஞாயிறு தாக்குலை விற்று அதிகாரத்திற்கு வரவில்லை. அதற்கு முன்னர் கூட்டுறவுத் தேர்தல்களை வென்றோம். எத்தனை பிரதேச சபைகளை வென்றோம்?” என அங்கு கேள்வி கேட்டார்.

கோட்டாபய ராஜபக்ஷவை முதன்மையாகக்கொண்ட நிகழ்கால அரசாங்கம் உயிர்த்த ஞாயிறு தினத்தன்றுமேற்கொள்ளப்பட்ட அந்த தாக்குதலின் குற்றவாளிகளுக்கு எதிராக சட்டத்தை அமுலாக்காமை பற்றி பாரிய வெறுப்பிற்கு இலக்காகி கத்தோலிக்க மக்கள், மதத் தலைவர்கள் உள்ளிட்ட ஒட்டுமொத்த மக்களுமே “கறுப்பு ஞாயிறு” எதிர்ப்பில்கலந்துகொண்டிருந்த வேளையிலேயே சனாதிபதி இவ்வாறு கூறினார்.

உயிர்த்த ஞாயிறு தாக்குதலை விற்று அதிகாரத்திற்கு வரவில்லை எனக் கூறியபோதிலும் 07 ஆந் திகதி ஞாயிறன்று நாடு பூராவிலும் அனைத்து மதத்தலைவர்களினதும் மக்களினதும் பங்கேற்புடன் கறுப்பு ஞாயிறு இயக்கம் வெற்றிகரமாகநடைபெற்றதோடு அதற்கு விரிவான பிரச்சாரமும் கிடைத்தது. அவ்வாறு இருக்கையில் அரச ஊடகங்களில் சனாதிபதியின் இந்த கூற்றுக்கு விசேட பிரச்சாரம் வழங்கப்பட்டது.

இதன்போபது குறிப்பாக “உயிர்த்த ஞாயிறு சம்பவம் இடம்பெற்றதும் கறுப்புக்கொடி போடவில்லை. இப்போது ஏன் கறுப்பக்கொடி போடுகிறார்கள். அவற்றை மக்கள் அறிந்துகொள்ள வேண்டும்.” என சனாதிபதி கூறினார்.

அரச மருந்தகக் கூட்டுத்தாபனத்தினால் அனுப்பற்கட்டளை பிறப்பிக்கப்பட்ட ஒரு இலடச்சம் கொவிஷீல்ட் தடுப்பூசிகளை கோரிய தினத்தில் வழங்க இயலாதென அதன் இந்திய உற்பத்திக் கம்பெனி அறிவித்துள்ளது.

கொவிஷீல்ட் தடுப்பூசிகளை உற்பத்தி செய்கின்ற சீரம் இன்ஸ்டிரியுட் கம்பெனியின் பிரதம நிறைவேற்று உத்தியோகத்தர் அதார் பூனாவல்லா மார்ச்சு மாதம் 3 ஆந் திகதி திடீரென அரச மருந்தகக் கூட்டுத்தாபனத்திற்கு அனுப்பிவைத்துள்ளகடிதத்தில் தமது கம்பெனிக்கு புதிதாக கிடைத்துள்ள கோரிக்கைகள் மற்றும் நிறுவனத்தில் இடம்பெற்ற தீப்பற்றல் காரணமாக மார்ச்சு அல்லது ஏப்பிறல் மாதத்தில் இலங்கைக்கு வழங்க எதிர்பார்த்திருந்த அளவினை வழங்குவது தாமதமடையுமென குறிப்பிட்டுள்ளார்.

அவசியமெனில் தடுப்பூசிகளை வழங்கும் உடன்படிக்கையை இரத்துச்செய்தல் அல்லது செலுத்திய முற்பணத்தை மீளச்செலுத்த இயலுமென சீரம் இன்ஸ்டிரியுட் கம்பெனியின் பிரதம நிறைவேற்று உத்தியோகத்தர் மேலும் தெரிவித்தார்.