கோவிட் தொற்றால் மரணமடையும் முஸ்லிம்களின் ஜனாஸாக்களை தகனம் செய்வதற்கு எதிர்ப்பு தெரிவித்து பாரிய ஆர்ப்பாட்டம் ஒன்று கொழும்பு காலி முகத்திடலில் முன்னெடுக்கப்பட்டது.
ஜனாஸா எரிப்புக்கு பிரதமர் வழங்கிய வாக்குறுதியை நிறைவேற்றுமாறு கோரி இவ் ஆர்ப்பாட்டம் முன்னெடுக்கப்பட்டது.
ஜனாஸா கட்டாய தகனத்துக்கு எதிரான தேசிய இயக்கம் இந்த ஆர்ப்பாட்டத்தை ஏற்பாடு செய்திருந்தது.
இன்று (23) பிற்பகல் 02.30 மணியளவில் ஆரம்பமான குறித்த ஆர்ப்பாட்டம் ஜனாதிபதி செயலகத்திற்கு முன்னால் முன்னெடுக்கப்பட்டது. பெருமளவிலான முஸ்லிம் மக்கள் ஒன்று திரண்டு இந்த ஆர்ப்பாட்டத்தை முன்னெடுத்திருந்தனர்.
இந்த ஆர்ப்பாட்டத்தில் முஸ்லிம் காங்கிரஸின் தலைவரும் நாடாளுமன்ற உறுப்பினருமான ரவூப் ஹக்கீம் தலைமையிலான முஸ்லிம் அரசியல் பிரமுகர்ககள் பலர் கலந்துகொண்டிருந்தனர்.
