கடந்த செவாய்க்கிழமை (16) முதல் ஸ்பெயினின் பல நகரங்களில் கருத்து சுதந்திரத்திற்காக மக்கள் போராடி வருகின்றனர்.
கம்யூனிஸ்ட் சித்தாந்தத்தைப் பின்பற்றுகின்ற ஸ்பெயினின் மிகப்பிரபலமான போப் இசை பாடகரான பாப்லோ ஹாசல் அந்நாட்டு முன்னாள் மன்னரான ஹுவான் கார்லோஸ் ஒரு மாஃபியா கூட்டத்தின் தலைவர் என்று கூறியதன் காரணத்தினால் பொலிஸாரால் கைது செய்யப்பட்டதைத் தொடர்ந்து ஆதரவாளர்களால் இவ்வாறு போராட்டம் முன்னெடுக்கப்படுகிறது.
பல இடங்களில் கடைகள் உடைக்கப்பட்டுள்ளன. வங்கிகள் நொறுக்கப்பட்டுள்ளன. சில இடங்களில் வங்கிகளை எரிக்க முனைந்து அது முடியாமல் போக கண்ணாடிகளை உடைத்துள்ளனர். அவர்களை தடுக்க வந்த போலீஸ்காரர்களை நோக்கி கற்களும், போத்தல்களும் வீசப்பட்டுள்ளன.
ஸ்பெயின் நாட்டு முன்னாள் மன்னர் ஆயுத விற்பனையால் கிடைத்த கோடிக்கணக்கான யூரோக்களை சுவிஸ் வங்கியில் வைப்பிலிட்டிருந்ததும், அவற்றை திருட்டுத்தனமாக ஸ்பெயினுக்கு கொண்டு வந்ததையும் குறித்து ஸ்பெயின் பத்திரிகைகள் செய்தி வெளியிட்டிருந்தமை குறிப்பிடத்தக்கது.
